انته لاتنسى ماذكرنا قبل عام ونص عام = ترا الخبر من مصدره يوم الذهب من منجمه
الحمل زوزابه جمل والنافره عيت ترام = وانت علامك ماتشوف الذيب فاتح لك فمه

هذي حقيقه ثابته عند الرياجيل الكرام = واللي تشوفه في طريقك يالعصيمي علمه
الذيب هذا ياقشر حظه ليا حل الظلام = يعوي على الرجم الطويل ومن يشوفه يلزمه

غازي الدعجاني=

ياسعود لاجيتك تحيزم طال عمرك بالحزام=والعلم واضح يالعصيمي مايبي له ترجمـه
يالشاعر اللي كلمته لاهي حلال ولا حـرام=مسلم .. وطبعك مايشابه غير طبع مسيلمه

سعود العصيمي=

انا على طول امتحيزم في وغى والا سلام=ومن الرصاص المنطعج دايم نظيف محزمي
الليله انته ياولـد غالـب مغيـر فالنظـام=واللي طرا لك ماخفاني في كتاب الانظمـه

غازي الدعجاني=

كم قلت لك ياسعود خلك من طجي اليا سنـام=إسمع كلامي زين ياسعود العصيمي وافهمـه
عيد الفطر معروف وقته من بعد شهر الصيام=وإبليس في عيد الضحيـه كلبونـا نرجمـه

سعود العصيمي=

كم قلت لك يالطالب المهمل تذاكر لاتلام=لكن ما يفهم ولا يطعـم كـلام معلمـه
يالله عسى الفضيه تسيلها هماليل الغمام=واتربع الديره وهلها عن طعامٍ تطعمـه

غازي الدعجاني=

في ذمتي ماسامها عندك ياكود احمد غلام=يزهمك بأسمك داخل الميدان وانته تزهمه
الحمل زوزابه سعود العام والديره عسام=إنشد قضاة المحكمه تعطيك هرجه مفحمه

سعود العصيمي=

انته لاتنسى ماذكرنا قبل عام ونـص عـام=ترا الخبر من مصدره يوم الذهب من منجمه
الحمل زوزابه جمل والنافره عيـت تـرام=وانت علامك ماتشوف الذيب فاتح لك فمـه

اهل الاشده ياصحيبي ما تحال اهل المسام = قال المثل من لايغبر شاربه مادسمه
خلك قوي البأس ياغازي وتفتك الجهام = حنا ترا من نلزمه فالمعركه مانرحمه

انته تقوله من جهل ولا دخل عينك منام = مافيه تمره تنوكل من دون ياسعود عجمه
السم من ناب الحنش قد راح في جوف العظام = رح واطلب الله يالعصيمي والصبر خله سمه

اللي كلا التمر ابنواه اكيد برقه برق شام = ماهو بمثل اللي يحل المبرمه والمبهمه
انته كفو ياصاحبي غازي ولاالحقك الملام= لكن بعض الناس متساوي وجوده وعدمه