| معجب العتيبي |
23-Apr-2008 12:26 AM |
العازمي
سلام الله سلامٍ مايعرف الصد والتجنيب = على معجب وكل اصحابنا ذا الليل باديبه
ترا منّ الهدايا يالعتيبي للعتيبي عيب = بعد كررتها وشهودها قبلان ياعتيبه
معجب العتيبي
هلا يامرحبا يالعازمي ياصاحبي ترحيب=مدامك قلتها قدام خلق الله بلا غيبه
انا مامن احذر والحذر ماينفي الترغيب=لكن اللي تهمني مرتين وزاد في عيبه
العازمي
تجود ولا غرابه يالعتيبي ساس جود وطيب = ولكنك تلحّقها ؟ وقلبك مدري ابغيبه
توصّيهم علينا ماتحذّر خل عنك الريب = ترى علمي هذا قبلان قبلي كان داريبه
معجب العتيبي
كلام الحق ينطق والنوايا داخله فالغيب=الا يالعازمي غيب القلوب شلون تدريبه
نوصيهم عليكم لجل ماتخطون فالترتيب=وشغل المنتدى يضبط ولا تخطون ترتيبه
العازمي
انا قلبي دليلي كل ماضنّيت ضنّ ايصيب = ابو سلطان للاصحاب يلحق في مشاهيبه
انا اعدّك قبل هاذي رفيق وعندي اغلى اصحيب = ولن سامحك قبلان اعتبرها منه توجيبه
معجب العتيبي
ترا بعض الضنون اثم وتسبب فالبلد تخريب=وانا من خلقتي ماجيت شك العلم والريبه
انا ماقول في هذي على بعض العرب تثريب=لكن العلم الاخر ياوسيع العرف تحريبه
العازمي
ابوسلطان ذيب وفي محاويفه شبيه الذيب = على درب الذيابه للخطر تومي عراقيبه
ظلمت اصحابك اللي منهم المخطي يشوف الشيب =وحنّا منك نبغا العذر والا تحدث امصيبه
معجب العتيبي
اشوف البندق الليله تبا لعيارها تصويب=عشان الرامي الماهر يدقق في مضاريبه
اشوفك بالوفا ياصاحبي تشبه خوي مثيب=تدافع عنه في وقت اللزوم وتحرس العيبه
العازمي
ترى النيشان وجّهته على الاهداف بالتقريب = تطيح اهدافنا لو الهوى بالغصن يوميبه
ليا جت للحقيقه للكلام الحق فيه امجيب = نصيحه كل مشرف لاحد يامن ..من عواقيبه
معجب العتيبي
الا ليت الخوي اللي مشى في درب عنه ينيب=قبل لا افكاره اللي جابها ذالليل تسريبه
نصيحه والنصيحه يلتزمها كل رجل مصيب=لاحد يضحك مع النخبه ترا الاسنان تركيبه
|
