| معجب العتيبي |
28-Mar-2008 01:00 AM |
محمد صالح العطاوي
سلام يالعزوه اللي قدرها فوق فوق=ماتقبل الهينه من ماضي اسلافها
هم عزوتي كلهم مابين برقا وروق=وكل العرب تعرف الهيلا وميقافها
سعود العصيمي
يامرحبا عد همال الخيال الصدوق = فالحلة اللي تكرّم كل من ضافها
الله يعز الرجال مكملين الحقوق = ربعي وربعك وكل الناس باسلافها
محمد صالح العطاوي
والك البقا يالمرحب عد نوض البروق =ياشاعرن تاصل الكعبه وتطافها
الوقت ياسعود عيا ياعميلي يلوق =وانته تشوف بعيونك عرض من شافها
سعود العصيمي
بنت الهواء ماتلد العين في كل موق = تعشق كبار الفعول وتترك ضعافها
الوقت مجنون والدنيا رحاها تبوق = لكن شد الحزام وعد مشرافها
محمد صالح العطاوي
للطيبه ياولد عاصم محلن وسوق=وكلن تخير علي كيفه من اصنافها
احدن حصانه ردي واحدن حصانه سبوق=لكن خل الرساله داخل اغلافها
سعود العصيمي
الطيبة دربها ينشف كثير الحلوق = مافادها غير راعيها وعرافها
راع الحصان الردي ماهوب ويااللحوق = لاركبوا الخيل اهلها يقعد خلافها
محمد صالح العطاوي
الطيب راعيه دايم للجزيله شفوق=يومن بعض العرب ماتعرف اوصافها
خلك معي ياعميلي في يمين الطروق=حتي ولو السنين يزود اعجافها
سعود العصيمي
ماني بشراب بن ياالرفيق محروق = حنا رجالآ تضد القوم برهافها
انكان عندك دراهم لاتحسب الفروق = والعملة الطيبه من حظ صرافها
محمد صالح العطاوي
ياسعود صبرك شوى الين حتي تروق=سود الليالي عسي مامسك اخلافها
حنا عرفنا الغروب وعارفين الشروق=والغيمه اللي ترف ابروق من شافها
سعود العصيمي
انا من الله بخير ولا لحقني طقوق = وواثق البندقية واطرح اهدافها
ماني بقايل كذوب ولا نعدك صدوق = يالين بنت الهوا تلحفك بلحافها
محمد صالح العطاوي
وش زعلك يالعصيميى ماحسبتك ضيوق=والكلمه اللي تضرك ياجب اتلافها
ذكرتني يالعصيمي فالكويتي صفوق=لكن خلك قريب الدار واطرافها
سعود العصيمي
اخرتني فالعشاء مار العوض فالريوق = عملتك من شافها بالعين ماعافها
اصفوق خله محلة وانتبه للفلوق = واحرص شداد المطية يلمس اردافها
|
