هات القلم بكتب من الشعر طاروق
واحلا معان القاف تزها اطروقه
وبسم الذي يسق المخاليق من فوق
بحمر السحاب وكاشف(ن)به ابروقه
ابدا بذكره وتبنا ولي ذوق
ومن ماصنع هاجوس شعري وذوقه
واكتب وانا مبارك وربعي بني روق
وياعزوتي تكفون برقا وروقه
لطامت العايل وحمايت النوق
يوم الوغا عن بعض ناس(ن) سروقه
لي حق انا امدحهم ولي معهم احقوق
ومن له معي حقن ابياخذ احقوقه
ويمل قلب(ن) بين الاضلاع محروق
ومن مايخفي زايدات(ن) احروقه
من سبت اللي صادفتني مع السوق
وانا الذي وش جابني عند سوقه
امنولن سالي وعن الحب معتوق
والنفس ماهي للمهاوا لحوقه
واليوم اناللي عاشق عيون مخلوق
وياليت نفسي من خطاها معتوقه
ويالله ياكشف من المزنه ابروق
وبمرك علينا يهل ماها نذوقه
تعين من قلبه من الحب مسروق
ودموع عينه قوق خده سبوقه
ودرب(ن) مشابه انتهى وبه عوق
ودرب الهوا بذات ياقو عوقه


هذا وتقبلو تحياتي

(هايل الهيلا)
الشا عر مبارك بن سعود المغيري

لا هنت وبيض الله وجهك

ونايف معلا المغيري

وحجرف بن فيصل العصيمي



شعراء لن نرصى بشهادة المريخي والعميمي والسعيد وبدر فيهم


لان نسمع قصائد نايف وحجرف في الساحه


احد سمع للعميمي والا للمريخي شي يسود الوجه مثل وجيهم

ربعي الى ركبو ضهور الاصايل
كلن يبين موقفه مع خويه




وانا ااشهد

ربعي عتيبه من كبار القبايل

اهل الكرم واهل الوغا والحميه

والله أنا مستغرب من عدم وجود نايف في 48

ابي اعرف وش مقياس اللجنه على اختيار ال48

اذ من القصائد اللي عرضوها وسمعناها

فاعتقد ان نايف شاعر بمعنى الكلمه

لكن اللجنه خاينه ولا تعرف في الشعر الا اسمه

والدليل البحرينيه اللي جابوها ......

فعلا وش مقياس الشاعر قبل ال48؟

نايف بن معــلأ فعلا شاعر مبـــــــدع واسئل الله العلي التقدير ان يوفقه لمى يحبه ويرضاه

اخي سارح البال صح لسانك

الله يسلمك وصح بدنك ياغالي

نايف بن معلا
أنت شاعر الشهلة
بلا منازع ونفتخر فيك وفي والدك
ابن عمك ابن مورد الهياب