كعام المعادي





ارحب طال عمرك

كعام المعادي


هلا ومرحباااااا


شرفت ياعمنا

سلطان الجذع /

مرحبا ترحيبه يشهد لها الموجود كلـه
تجمع الابداع والقوه وشئ من الجزالـه
واحد ماهو ب.. مروي حد سيفه لايسله
هذي رساله لابن ثعلي ووصلت الرساله


الفالح /

البقا يا شاعـرٍ دايـم علـى مذهـب وملـه
من هجوس الشاعر اللي طيب فعله راس ماله
العرب شافوا لهـم مزنـه عليكـم مستهلـه
والخريف اليا رعد هل الصواقع مـن خيالـه

سلطان الجذع /

فاح صدري من هواجيس المعاني فوح دله
لاتقول انك زميلي ماعلى الموقف زمالـه
ماشربنا الا رهى يوم انت حلقـك ماتبلـه
يبرق البارق جنوب الدار وانته في شماله

الفالح /

ما يصح الا الصحيح اللي توثقه الادله
ساحة الميدان يا سلطان ميزان العداله
يالجذع موضوعكم قلّي عنه دقّه وجله
الاجابه هاتها صاحبك وجّه لك سواله


سلطان الجذع /

يالعضياني ليا طارت عن الخيل الاجلـه
كم وكم من فارس فالمعركه يغدي حلاله
شئ مالك فيه صالح ياطويل العمر خله
الاجابه/تترك الموضوع وتجنب مجالـه

الفالح /

المعادي يالجـذع نفقـع عيونـه بالاخلـه
فعل اهل عمهوج غنّا فيه حتى ابن طوالـه
انت ابن عمّي ويوم انشدك علمي في محله
وان كنيت العلم ابا اترك صاحبي وانشد بداله



يا سلام صحت السنتكم

يامساء الخير يالجميع


وصحت اللسنة الشعراء المبدعين

وانا في صف بن ثعلي لا في صف الجذع ....... تدرون هذا خشم وهذا عين


الصف وااااااااااااااحــــــــــــــــــــــــــــــــــ ـد