صاحبي يشكي ونافذ ياجماعة خير صبره!!=كل ماقلت يتدبر ماحصل فالوضع دبره!!
كيف تضلع وانت ماناشك يكود رويس الابره!!=وان بغيت الصدق ماشال البيوت الا عمدها!!

والله أنّي من اول ماحسب أنّك ضيوق=مير نفسك يافالح هد من روعها!!
الحضارم تهاوش صبح في كل سوق=كل شركه تبى تسبق بمشروعها!!

لا تجينا بالعلوم اللي فيادتها قليله=كان ما عندك سنع ليش اتّزعّم للقبيله
كان هي عندك خفيفه عند من يفهم ثقيله= وان بغيت الصدق ما يبن البيوت الا عمدها

مشلحك يالثبيتي بان فيها فتوق=ارقعوها يا لين يزين مرقوعها
الحضارم تبا مجهود حتى تروق=مار نذرٍ عليّ لااكسر ضلوعها

كان تبغى الحق ميراد الدعاوي عند قاضي=لو تجي زعلان يالفالح تجي وتروح راضي!!
ولو قلبك ممتلي ضيقه شوي يصير فاضي!!=وان بغيت الصدق مايبني البيوت الا عمدها

مشلحي وافي وضافي لكن انت عوق!!=راعي البدله الزرقاء وقبوعها!!
الصبيه تبى سوق الريالات سوق=وانت مانته بقادر تشري دفوعها!!

عند زبن القاضي الميراد يا اهل السيل بكره=انت واللي يالثبيتي ناشبٍ في وسط وكره
يمكن ايحمّلكم القاضي قعودينه وبكره=وان بغيت الصدق ما يبن البيوت الاّ عمدها

يوم تضحك وانا كنت احسب انك خلوق=واثر لثبيت حيله من تحت كوعها
الصبيه عشيقه لي وانا الها عشوق=تلّت عروق قلبي تلّ من قوعها

لا تودينا ولد عمّك نبى قاضي محايد!!=وان لقيت القاضي اللي تطلبه عد العدايد!!
يمكن يحملك حقً تنقله وتقول زايد!!=وان بغيت الحق مايبنى البيوت الا عمدها!!

مالك الا عسل صافي تريق وذوق=لقمةً في جسدك يبين منفوعها!!
الصبيه لها تسعه وتسعين شوق=مير ياعنك ماتطلع عن ربوعها!!