قابلت لي رجال بالحيل مهموم=من شاف حاله قال عزي لحاله
نشدت عنه وقالو فلان مسهوم=سوق التداول حاس حاله وماله

وانا اعرف ان اللي حصل شي مقسوم=اللـي كتـب للعـبـد لازم ينـالـه
لكن بعـض النـاس طمـاع بالكـوم=ويطـب مـن غيـر ايتفكـر مألـه

لا تلحقه شرهه ولا تلحقـه لـوم =احصيله روح وضاعـوا اعيالـه
مما حصل يفزع ويصحا من النوم =ولوا تنشده ينسى اسم عمه وخالـه

يالله لا تجعل معاشي علـى (( اسهـوم ))=الـي يحّكمـهـا ..حضـيـض وحثـالـه
هي دوم ؟؟..مدري ..بس ..يمكن على الدوم=مـاريـد ناقصـهـا ولا ابـغـا كمـالـه

السوق نوخ بين ظالم ومظلوم =وكلٍ يدور كيف يرجّــع رياله
ومكاسب الظفرين طارت بها البوم = نكس بها الهامور لبست عقاله

حسبي على جماز والثاني الزوم=صاروا على الهيئه جناةٍ وعاله
الاجنبي مدلع ودوم محشوم=وابن البلد ماعاد شيٍ بقى له