يابن سرحان ليل اهل المعاني فالمواجه ليل=حـط الشـداد وثقـه والا يافايـز نزلـه
أما تعمر سوريـا وألا يابشـار استقيـل=الوضع عندك يالاسد من مهزله في مهزله

تهرج يالعصيمي والزمان اللي حـداك بخيـل=دون الملاوي سكه توديك ريـع المسفلـه !!
تصاريف الليالي مالها عنـد العـرب تحليـل=ولا البنادم ما يحاسب صدق عن غير عمله !!

ماهي غريبه لو تبرى كم مشرد كم قتيـل=في عالمٍ غابت نجومه لو نشوف الازوله
تصاعد الأزمه ولو تبغى الدليل انت الدليل=جندت ألك شبيحةٍ تجني عليك المشكلـه

اليا بغيت الصدق انا اشك انك الليله عميل=مدري متى بالله ياناصر تكب المنذلـه !!
تفزع مع اسرائيل وتقاوم مع اطفال الخليل=هذي تراها ياطويل العمر كـل المسألـه

أنا نذيرٍ قبـل حضـر الجـو والدنيـا تميـل=انشق جيش الدوله اللـي سالفتهـا مطولـه
ماعاد ندري وش تحط من النجاسه وش تشيل=لكن طاوعني وغادر وآخـذ ثوبـك بأسفلـه

اليا نجحت ارقى على الاكتاف في وادي جليل=وانته عصيمي والعصيمي دائما ً فيه عجله !!
الله عطاك العقل والدم .. الخفيـف والثقيـل=واليا سحبت الخيط بالكبه تجيـك محولـه!!

ماعاد حصلتوا ذرى ماعاد به ضلٍ ضليل=دامك ثبيتي لاتذوق السم صعـبٍ تتفلـه
الله عطاني عرف يافايز كما حد الصقيل=والله عطاك الثانيه والله حرمك الاولـه

دام السياسه مابقى فيهـا عزيـز ولاذليـل=تبا تمص من الضمى حتى عروق الحنظله !!
هذي تعدت مير عاد اللي بعدهـا مستحيـل=الله يستـر يالعصيمـي لا تجيـك مطبـلـه