البداية ياصباح الخير ياللـي حاضرينـا=والعلوم الطيبه نبدابهـا عقـب التحيـة
كان فيكم شاعر ٍ من عقب ماجيتم و جينا=ينزل الميدان ويغني خويـآ مـع خويـه

ياهلا بك يالعصيمي عد دورات السنينا=والعلوم الطيبه عادتك ياراع الحميـه
واجد الشعار لو الوقت متوخر علينـا=بس لن جات اللوازم نلحق الكيه بكيه

دمت ياراع الوفا والطيب والعلم السمينا=سرها مسرا الذيابه والقويه بالقويـه!!
ودنا ننشد محمد بين حال وبين حينـا=عن سبب تغير الاوضاع فالدار العذيه؟

وش طر لك يالعصيمي ماعليك ولا علينـا=دربها درب السنع دام السنع مافيـه زيـه
ياسعود الوضع موروث الجـدود الاولينـا=مار انا ابانشدك وش بعد حلبان عن الحويه

ماطرالي غير دحم القوم بالجنب المتينـا=والسنع هو غاية المطلوب دام النار حيه!!
خل قلبك للشمال وخـل عينـك لليمينـا=والاجابه مثل عيد الطر عن عيد الضحية؟

انت صادق في كلامك مير قـل للجاهلاينـا=من يـزور المملكـه لابـد زار الفيصليـه
ابن سينا يوم جا دكتور وش جاب ابن سينا=انت حاول تذبح الموضوع والدنيـا مديـه

مجلس الشورا يبي له هيكله حتى يزينـا=غيروا فعضاه والا شيلوا الطاقـم سويـه.
وابن سينا ظاهر ٍ ذكره من السيف السنينا=ماانت جاهل ماذكره ومافعـل فالقنصليـه.

مجلس الشورى يديرونه هل العقل الرزينا=مايغيّر طاقمـه حتـى يحلـون القضيـه
ياسعود الوضع متعقد ولا هو فـي يدينـا=مير هاذا ذنب من خلا السلـوم الاوليـه

والله إنّـا مانبـا ماكـان متخفـي يبينـا=مانبا الا العود الازرق يدرج والشاذليـه.
ابذل المجهود فالملـزوم يـاذرب اليمينـا=واعرف اني معك فالماجوب ماقصر بشيه.

مانذم اصحابنـا مادامهـم منّـا وفينـا=خابرينك تعشق العليا ولا تبغى الرديـه
ياسعود اجيك بالاخبار لن رحنا وجينـا=وان قنعت اقول لك ياصاحبي عيشه هنيه

المشاركة الأصلية كتبت بواسطة خالد السويداني القحطاني (المشاركة 1230573) يـاسـعـود الـوضــع مـــوروث الـجــدود الاولـيـنــــا****مار انا ابانشدك وش بعد حلبان عــن الحويه خـــل قـلـبـك للـشـمـال وخـــل عـيـنــك لليـمـيـنـا****والاجابه مثل عيد الفطر عن عيد الضـــــحية؟ هالله هالله هالله هالله هكذا يكون الفتل والنقض ولافلا عزالله انكم ابدعتو ابداع لايضاها سعود شهادرتي فيك مجروحه لاكن الذيابي اثرك مهوووول صحت الالسن والقلوووب