بارك الله فيك يابو عبدالرحمن .. لكن وراء العمى على بن عتقان كل مالعب معاه لازم يذكر شمنصير !

احم احم

ياهل الدار

السلام عليكم

كيفكم ان شاء الله بخير

والله ما حد يقوم من مكانه

علمنا خير وصلاة على النبي

سراحة رواحه

من البيت للساحة

بساطة

لا نروح بعيد

ولا يجينا علما جديد

اسواقنا واحدة واعلامنا واحدة

والسيرة واحدة والديرة واحدة

الامطار جانا منها الخير في شهر الخير

وبعدها عيدنا الله يعيده علينا وعليكم بالخير

انتهت الاجازة ورجعنا لدواماتنا مع انها عكرت على الواجد مجازه

خلينا لا هذه الساعة المباركة وجينا منتداكم العامر من طيب خاطر

حصلنا المجلس مفتوح والعود الازرق منه يفوح

قلنا نعرج على صبيان الهيلا ونسلم عليهم مادام فينا مقدرة وحيلا

هذا ما نتقفى اعلامنا وسلامتكم جميع

(( هذه تسمى العلمة او العلم )) عندنا في الديرة!

احم احم .. هذي فيها قبايل يافهد .. انت في مجلس رياجيل ماله داعي تنحنح .. اقلط وعطنا علومك ..


ههههههه

امزح معك يافهد ودي اثور الربع عليك ..

حياك الله يابو محمد ..

اما الغداء والعشاء فحياكم الله .. ابد اقرب مطعم لبقو عنده وملو بطونكم والحساب علي :)..

الله لايهينك والمجلس عامر بالنشاما ..

وعليكم السلام ورحمة الله وبركاته

اقلط الله يحييك يا فهد والساعة المباركة اللي
سمعنا فيها صوتك واخذنا علومك وانت راعي محل