طاروق للعتبان و العتبان جيران وخوال = بدايته بسم الله الرحمن هيا نبتدي
و الليل هاذا يمكن انه غير عن كل الليال = لا حضرو الشعار و انا جيتهم في موعدي

اكرب حزامك يالبناخي والوفا طبع الرجال = وانته من رجال الوفا اللي ياصلون المقصدي
ياليل ياليل السعد نستقبلك في كل حال = الله يوفق راعي الجزلات ويعثر الردي

العلم يا مرزوق ما يبغى جواب ولا سوال = ان كان ما ياصلك صوتي خل عينك في يدي
بعض العلوم تشتت الافكار و يضيق المجال = و يصير مشي الهون للمخلوق اخير من العدي

ياللي تجر الصوت وش عندك من علوم الرجال = احرص على مثلك وسمعي من فضل ربي مدي
عطني علومك كلها واقلط على حيد الظلال = ترى علوم الطيبين اشفق لها وهي سعدي

كنا نبي نبني حصون الحرب في روس الجبال = اللي تحجب اسهيل و تحجب الثريا و الجدي
ما كل عين اسمح لنفسي تعتمدها بالخلال = لو كان اقلل فاخر الايام عزمي و اجهدي

كنتم ولكن وش حصل من بعدها يابن الحلال = اللي مايمشي مع طريق اهل المواجيب يغدي
ياللي تزيدون السوالف ماتكلفكم ريال = قول ٍ بليا فعل وشهي قيمته يامسندي

اللي حصل مرزوق مستعجل ورد الاتصال = يكفيه من ربعه عتيبه من يقول اله ابعدي
مش الركايب يا عميلي للجنوب و لشمال = و الفرق شاسع لو تميز في بلدك و ابلدي

ربعي ليا قالوا كفو راسي على الاضداد طال = طيّب مأثرهم على الطلات تحداني حدي
ياناصر الله يصلحك وضعك بدا فيه اختلال = لكن ماني تاركك يالين تذبح لك فدي