مبروك يا نايف علي الملازيم = بإنك وريث الطيب يا طيّب الساس
ربعك بمجد الوقت كله محازيم = وفعولهم تبحث خفى كل حساس
حطوا على نجم الثريا مراسيم = وانته تميّز في زواجك عن الناس
اخذت بنت اللي ثعوله مرازيم = بالطيب والنخوه وبالفعل والباس
مرزوق عز وعز مبدا وتصميم = مثله على هامات الأمجاد جلّاس
ان قلت صارم من خيار الصورايم = ظلمت ، لأنه للصواريم نبراس
يهل مثل المزن في روضة خريم = يروي الكبود اللي من الغبن يبّاس
يحق لك تفخر على الطيب وتهيم = مجد وقرابه بالمهنّد ونوماس
والضيق بيّن في عيون المعازيم = ماحدٍ وصل منهم ليا هامة الراس
ماهو حسد ، كلن يبا ياصل الغيم = ولأحدٍ يحط لبعض أمانيه مقياس