ماشفت عيبك وانت كلك من على بعضك عيوب =لو اني ابامدح فهد مافيه شيَ نمدحه
اخذ كلام يالثبيتي مع هل العرف محسوب =اللي يداوي علة المرضان يقدر يجرحه

انا احمد الله مكتسي بالوافية مشلح وثوب=مغنيني الله عن سواتك ياعميل المشرحه
اشعيل يبرك للحمول الجايره في كل نوب=ولا انت حاشي تهبد الرجال ولا ترمحه؟

المشرحة شرحتكم فيها ياعميان القلوب=افلح وحنا خابرين اهل الوجيه المفلحه
مامن بعير اللي تقولونه طلع ثور حلوب=والثور دور له من الثيران ثورن ينطحه

ترا عوافي كلبوها يامكملة الوجوب=ماغار طلحي ٍ تعصا فاللقا عود اطلحه
انته حلبت الثور من جوعك ومليت الجيوب=من قو باسك لو لقيت الثور تقدر تطرحه

ترا العوافي طيبه ،صدقت ماقلنا كذوب=العود يكفنيا معك وش له نجيب الاسلحه
الحلب هيَن ،والمصايب كلبوها فالركوب=ياللي ركبت الثور الاسود حاول انك تمسحه

مادامت ان الحلب هين وش بقالك ياللعوب؟=ماتحلبه يالين في ظهره تمرجح مرجحه
لاتطري المسحه وتزعل منك رعيان الشعوب=شغلتك عند الشيخ راع الجود تمسح مشلحه

الثور ثورك روح واملا منه لثبيت الغروب=وان كان جعتوا دور في ثبيت رجلَ يذبحه
المسح خلا دمك الليله من الراعه يروب=صدرك يضيق وصدر غيرك يالثبيتي يشرحه