المشاركة الأصلية كتبت بواسطة سلطان الجـذع (المشاركة 1118447) .. ارحب ارحب يابو عبدالله .. تواجدك يعني الشئ الكثير .. وانا توي ادري ليه يتجمل الهاجوس ليا شفتك فالصف :)

عيد العازمي

مرحبا والشك زايل والوعد بيت القصيده = للهجوس اللي ليا جات المواقف مستعده!!
انحر الفاطر يابن عساف في حروة زبيده = الحجيج اقبل توافدهم على مكه وجده!!

سلطان الجـذع

البقا بالشاعر اللي وقفته ترفع رصيده = من هجوس فاللزوم تعد شيٍ مايعده!!
الله انه ياوسيع المعرفه يرحم عبيده = مابقى الا الساعه اللي تبني العز وتهده!!

عيد العازمي

القلم ما دوّن الا سطر في صدر الجريده = والرخا هرجة سعه ماتنصرف في وقت شده!!
لا تلد الشوف والعربان في جنبك مهيده = قدر ضيفانك شبب ماهوب ياسلطان بده!!

سلطان الجـذع

المهم ان السطر يالعازمي جملة مفيدة = تاخذ من الضلع ثقله والبحر جزر ومده!!
الطراقي نص كم وقدرهم قدر العصيدة = واعتذرنا عن وجوبٍ هزل مانقدر نمده!!

عيد العازمي

الخرافات القديمه والاساطير الجديده = ماتغيّر شئ فالواقع ولا يمكن تضده!!
لو تبنّتك الحديده يالجذع رحت الحديده = لا تقول البن الاشقر مال نفسك فيه لده!!

سلطان الجـذع

الشريط اللي مضى لك كان تبغانا نعيده = الجذع سلطان قدمك وانت فارضٍ مجرهده!!
ماالنا مقصد وغايه في الحباب وفي عبيده = كل واحد مكتسيه العز من خاله وجده!!

عيد العازمي

يالجذع ماكل مايعرض على الرامي يصيده = علم من ماض الليالي معك لللعقال وده!!
تدّعي بالعرف ياسلطان والاريا السديده = وان بدا المشوار من جيبك تكاليف المكده!!

سلطان الجـذع

حكمةٍ تطبيقها خلى لكم معنا شريدة = ولامني سيفٍ منّول يرتوي بالدم حده!!
لاتقوله وانت مااستقت الجمل واطلقت قيده = يوم عاينت الجمال اللي تدرهم بالاشده!!