مسيلمه ذره ترا ما بين عمي وبين عور=الله لا يبعث هذاك الذر ذر مسيلمه
الله يغفر الذنب سبحانه مع الرحمه غفور=الله لا يجعلك سلطه فوق من لا ترحمه

مسيلمه للنار يابراهيم لو يدعو ثبور=لو زاد ذره .. بالحقيقه جاه ذيبٍ يلطمه
الاوله صادق ومنها مايضيقن الصدور=والثانيه دعوه عسى تقبل ولوهي تمتمه

ابراهيم الجـــــذع

يا مرحبا ترحيب من شانه يزيد النور نور=من هاجسٍ يفتل وينقض له بيوتٍ مبهمه
لو أن معجب واسطة رجلٍ على بند الأجور=يبا يشيب صابره فالبند محدٍ رسمه

معجب العتيبي

دام لبقا ياللي ترحب بالغياب وبالحضور=من هاجسٍ يسمع كلام اهل اللغوز ويفهمه
ظلمت حظك والظليمه بينه بين السطور=وهرجت في شيٍ ماضنك ياعميلي تعلمه

ابراهيم الجـــــذع

هذا ترا طبع البنادم من قديمات العصور=يجحد وينسا غير من رب المخاليق اعصمه
ماني بظالم مير ما شفناك قسمت الجزور=وأنته عقيد القوم واللي مثلكم ما نظلمه

معجب العتيبي

ماني بمجبورٍ على الحلفان لو دمك يفور=ولو ان صدرك من حجم همه يضيق ابه انسمه
حسن السلوك (ا)مع المواضب يعتبر نقطة عبور=والعاقل اللي قبل مايمشي طريقه يرسمه

ابراهيم الجـــــذع

أنا اعرفك سواق ما خالف قوانين المرور=ولو هو يخالف للقواعد جا غشيمٍ واعدمه
لا تبحثون الميته خل الجنايز فالقبور=أن كان جثه كافره وأن كان جثه مسلمه

معجب العتيبي

لا بالله الا جبتها في غير ممشاها تدور=تمشي على غير السنع في ليلٍ اظلم واعتمه
سمعتك يابن ادم معك دايم على مر الدهور=حافظ عليها واعتبرها ياالبنادم مغنمه

ابراهيم الجـــــذع

مسيلمه ذره ترا ما بين عمي وبين عور=الله لا يبعث هذاك الذر ذر مسيلمه
الله يغفر الذنب سبحانه مع الرحمه غفور=الله لا يجعلك سلطه فوق من لا ترحمه

معجب العتيبي

مسيلمه للنار يابراهيم لو يدعو ثبور=لو زاد ذره .. بالحقيقه جاه ذيبٍ يلطمه
الاوله صادق ومنها مايضيقن الصدور=والثانيه دعوه عسى تقبل ولوهي تمتمه

والله يا أبو سلطان نور الحق غطا كل زور=لكن بعض الناس ما وحيت الحقيقه من فمه
من يوم عينته عن الترسيم منته بمعذور=لا تنتظرها يا عميلي لين تصدف مكرمه

ترا الحقيقه لابدت تاصل كما السيل الحدور=اقولها من باب علم الشي ماهي مشئمه
شهادته عينته مع الناس واصبحله حضور=ماباقي الا يدعم الباقي لسانه وقلمه