| معجب العتيبي |
27-Jul-2010 04:47 PM |
سلطان الجـذع
يابو تركي ضف من فوق اليتيم لحافه = واللحون اللي تسلي خاطرك غن بها!!
أشرب الفنجال لاتقرى به العرافه = لاجل قدر اللحية اللي تحتمي شاربها!!
ناصر المرشدي
وكل الله ثم رعاية صاحبك واشرافه=ان بغى فالطايف المانوس والا فــ 00ابها
لايهمك فالحياه العاهر الخوافه =لو بليس يبين سنونه لها ينكبها
سلطان الجـذع
البخيل اللي بنى في كشب قصر ضيافه = يعرف وجيه الضيوف ولاعرف واجبها!!
مرني عابر سبيل ولاعرفت أوصاافه = ممتطي جرباً تلوى الحبل في غاربها!!
ناصر المرشدي
عن كماله قدمت سود الليال انصافه=كل مايصرف على ضيوف الشرف يحسبها
لاتعرض سكته عساه في مذلافه=قدمه اللي صيدته مع حلقها يقضبها
سلطان الجـذع
لاتحن الشجرة الخضراء من الحذافه = والعدود اللي وراها ماصفى مشربها!!
كيف حدّرت الشعيب و وقّت في مشرافه = وانت ماتعرف نزول الدار وش مذهبها!!
ناصر المرشدي
الغصون الخضر من صلف الهواء منلافه=والسحابه تقتفيها الريح ماتسحبها
الليالي مضلمه وسباعها حوافه=وانت ذيب ماسكِ صيدتك وتلاعبها
سلطان الجـذع
يابحر تسعين قاعك من يجيب أصدافه = وانت موجك لا وطته البارجة يقلبها!!
يالعتيبي ماتحت حكم الزمان ريافه = والليالي للعرب ما ليّنت جانبها!!
ناصر المرشدي
المحيط الاطلسي ماينقصه غرافه=وغبته من هولها السباح مايقربها
والنهايه يالجذع فوق اليتيم لحافه=(اللحون اللي توسع خاطرك غنبها);)
|
