العمده =
يـا سـلام الله سـلامً بعـيـد الغـايـه=يطـوي الأميـال ويبـل كبـد الضامـي
عمر الأعزل ما اسعف أعزل وشال الرايه=ليتـه استلحـق لحافـه وهـاد ونامـي
ابن عاقل =
مرحبا ترحيب قدره بـدون نهايـه=يوم شرهتها على من يشيل وسامي
احد يحمى قوم واحدٍ يريد حمايـه=حكمة الله فالعرب والحظوظ اقسامي
العمده =
البقا للصاحب اللـي علـى الدفايـه=فالشتاء وان صيف استنشق الانسامي
ما نوى يفزع لحزبه ولا هـو جايـه=وان نشدته قال انا دينـي الاسلامـي
ابن عاقل =
والله انّا مالنا فالمصيـف هوايـه=بعد ما صيّف به الاردني والشامي
كان عندك يارعد فالضمير وصايه=علّم اللي غرهم مسرح الافلامـي
العمده =
الحصا ما جبته ولا انت فالرمّايـه=وين اعدك لا مصلي ولا صوامي
مثل هذا العرف نمحيه بالمحايـه=دام اساسه صورة وحرفنة رسامي
ابن عاقل =
يالدليله مع طريقك تسير خطايه=مار سقها لا تحوّص هنا قدامي
قد خذينا من فنون الدروس كفايه=كان حالم جاكم مفسر الاحلامي
العمده =
ما اختلف مسراك يا ذيب عن مسرايه=لا تردد وانت موقفك صـار الزامـي
فالمجمـع كـل ليلـة يطيـح بنايـه=واليديـن مقيـده والـورود حيامـي
ابن عاقل =
الله اعلم ما بدا في ضميرك غايـه=غار لحنٍ تتعسـر بـه الاعلامـي
يكفي ان الرقم الاول يجيك بدايـه=في حضوره لا حضر حطّم الارقامي
العمده =
كان هم الراعي من امس يعزف نايه=كيف ابا اداويه من قسوة الايامـي
الزمان اللي يلفّـه علـى الشوايـه=ما معه حيلة لو اعطيه نص حزامي
ابن عاقل =
والله انه عازف النّاي في مخبايه=بعد ما جيته وحارتبه الاقدامـي
كان متعوّد على مـدة الحذّايـه=غيرك انا كافلٍ لي ثلاث ايتامـي
العمده =
لا تقوله يابيض الوجه وانتـه تايـه=ما قريت الجملة اللي فالامر السامـي
الجواد ان جاد نعطيه صـك ولايـه=البلا اللي ما اشترى شيء لكن سامي
ابن عاقل =
ما جردت السيف ياكود قـدم عدايـه=انت لا صاحب ولا اعدك من اخصامي
من بخيل المد ما قد بسطـت يدايـه=رزقي من اللي على غيبنـا علامـي
العمده =
للغصون الخضر مهما عملت دعايه=كسرها مضمون لو نشتها بابهامي
للضلاله قوم مـا ودهـا بهدايـه=لو طلبنا الله لها درهمت درهامـي
ابن عاقل =
ابن عاقل لو ركدت وخذيت برايه=كان ما حط بعلابيك ميسم حامي
المريض اللي نداويـه بالغذايـه=والله ليذكر فعولي مع الاعوامـي
العمده =
ما تعالج شيخ يقرى عليك قرايـه=سورة الاعراف والكهف والانعامي
لو ما اخاف الله كان ارتكبت جنايه=فالجبال الصم لا تطمع الاقزامـي
ابن عاقل =
شيخ علماني وعلمه بدون درايه=ماله الا فوق خشمه نحط خطامي
الخطاء فوق الثرى تعتليه حذايه=استلمها يارعد والرجال حشامي
ابن عاقل:
ما جردت السيف ياكود قـدم عدايـه
انت لا صاحب ولا اعدك من اخصامي
من بخيل المد ما قد بسطـت يدايـه
رزقي من اللي على غيبنا علامـي
العمده:
للغصون الخضر مهما عملت دعايه
كسرها مضمون لو نشتها بابهامي
للضلاله قوم مـا ودهـا بهدايـه
لو طلبنا الله لها درهمت درهامـي
الله واكبر عليكم
يا مجرمين الابداااااع
صحت السنتكم
ملياااااارات
وبيض الله وجيهكم على هذه المحاورة الرائعه
وخمس نجووم.