يجيك المدعو الجاثوم و انته في لذيذ النوم=بدون الله يبارك فيك تشعر به و تفطن لّه !!!
هذي عندي ما هي عندك , , و أبدْ ما تخلق المعدوم=تبى ترقى الجبل ولاّ تبا تجلس تحت ظلّه ؟

والا يازين وضعك ياعلي يوم الزمن محموم = لكن اليوم صايبك الكبر ومعمّر فله!!!
ريالٍ من حسابي صارفه مانته منه محروم = ظهر من ذمتي واكان ماطاوعتني خله!!!

علي العضياني=

أبو طايل سعود ليا سلـم منّـي نهـار اليـوم=عليّه حارمات الطّيب و الفنجال و الدلّـه !!!!
يشوف الشيب في راسه و قال إنّي كبير القوم=كبير القوم ما يسهر على الشاطي مع الشلّه !!!

سعود العصيمي=

ابو طايل سعود ليا وصل لك ماقدرت تقـوم=تراعد بك عظامك يالعضياني من الذلـه.!!!
ابا اصوّر معك صورة ونكشف كامل الجمجوم=ونعرف منهو الشايب وراع الطيب ياصله!!!

علي العضياني=

نعرف أقصاك , لو تكثر علومك فالعلوم علوم=تشوف نجوم عزّ القايله و تجيك منهلّه !!!!
نشوفك في دبيّ اللي مقدّسها يابـن مكتـوم=و حنّا فالسعوديّه على الدين و على الملّه !!

سعود العصيمي=

انا ماشفت غير انتـه ولكنـك ولامطعـوم=ثلاث سنين تعقد فالحبل ونجيك ونحلـه!!!
ترا المكتوم ابن مكتوم والا أنا كسرت خشوم=طبيب الجرح ماغيره يعلاج خافي العلـه!!!

علي العضياني=

بعد ما شفتني و الله لتاخـذ قسمـك المقسـوم=على دفعـات و لاّ يالعصيمـي تاخـذه كلـه !!!
عسى ربّـي يدلّـك للسنـع يالتّايـه المنجـوم=هذا أصعب شيّ , كيف نوجّه المنجوم و ندلّه !!!

سعود العصيمي=

ابا اخذ قسمي بيمناي وكب البصل والثوم=يشيله من يجيبه ويتفاول به وفال لله.!!!
نويت اعطيك تاج ونجمتين ليافرقت السوم=مادام انك دليلة وان بركت لحمل تشتله!!!

علي العضياني=

يجيك المدعو الجاثـوم و انتـه فـي لذيـذ النـوم=بدون الله يبارك فيك ما تـدري و تفطـن لّـه !!!
هذي عندي ما هي عندك , , و أبدْ ما تخلق المعدوم=تبى ترقى الجبـل ولاّ تبـا تجلـس تحـت ظلّـه ؟

سعود العصيمي=

والا يازين وضعك ياعلي يوم الزمن محموم=لكن اليوم صايبك الكبـر ومعمّـر فلـه!!!
ريالٍ من حسابي صارفه مانته منه محروم=ظهر من ذمتي واكان ماطاوعتني خلـه!!!