| معجب العتيبي |
20-Mar-2010 10:15 AM |
ناصر المرشدي
كل عام يمر لابده يزيد الهم ساعه=ساعةِ تالي دقايقها ثوانيها شماته
ياعلي فلاح ماعينت اخوك من الرضاعه=من بعد ماشوه جدار الحياه بذكرياته
علي فلاح العضياني
كلّ عام يزيد همّه لا يجي فالقلب راعه=تعرف إنّ الآدمي مكتوب رزقه في حياته !!!!
كثرت ألاوراق و الأقلام و آلآت الطباعه= و الضعيف من الحديث اسباب ضعفه من رواته !!!
ناصر المرشدي
سبرنا فالريع يوم الريع تسبرنا سباعه=وان تركنا الريع للذيب ابلش الراعي وشاته
ماحسبت ان الوديع يبور ويخون الوداعه=لين شفته يسمع الموصي ولايحفظ وصاته
علي فلاح العضياني
الله الله فالمساجد و الصلاه مع الجماعه=الجماعه من تركها عمد ما تقبل صلاته !!!!
السكوت عن الخطيّه يهدم بيوت الشجاعه=العتيبي لا يقول إنّ الشجاعه في سكاته !!!!
ناصر المرشدي
من يدور للسعه0 فالكون ماضاق اتساعه=ومن يدور للمشاكل خيّب الله امنياته
العمى مايهتدي لو قال لك سمع وطاعه=مادرى انك لو نويته من يده تاخذ عصاته
علي فلاح العضياني
من عطاه الله عرف يصير في باله قناعه=يوم بقعا من يجيها في زمن محدود جاته !!!!
المخادع طاح في ورطه كبيره من خداعه=الله أكبر ,, مثل منهو يلحق أخصامه عباته !!!!
ناصر المرشدي
العيون الها الصحافه والاذاني للذاعه=ياعسى اللي مانفع ربعه يتكي مع خواته
امسكه ياعلي ثم وده للدكتور الاشاعه=لجل يعطيه العلاج اللي ماينساه لـ مماته
علي فلاح العضياني
علمك اللي جايبه ويش الفوايد من سماعه=تحسب إنّك كاسبٍ فالوقت عبدان و بناته !!!
هبّ لو إنّ العقول إلها يابو تركي زراعه !!!=الرجل عقله على طول المدى ثروة غناته
ناصر المرشدي
من طرق بيدين غيره قفل بيبان المجاعه=كيف يدخل مجلس اللي ترفع الهامه صفاته
هب لو عقل البنادم ينشرى مثل البضاعه=كان ما اتسمع كلام اللي كلامه من رداته
|
