محمد ذيبٍ اسحم ماهو بشاةٍ تجي مدراع=حليل الروقي اللي جاب له حاجات مخبوره
تفقط في كلامك يالرفيق وطقطق الاصباع=ترى سامي جعل كل العرب بالفن مجبوره

المشاركة الأصلية كتبت بواسطة ولد النير (المشاركة 1003186) صح لساآآآآنك يابو غازي والصف صفك ياولد العم وصح لسان علي العضياني مبدعين جميع

المشاركة الأصلية كتبت بواسطة علي فلاح العضياني (المشاركة 1003188) صح لسانك يابو غازي و اشكرك على اجابة الدعوه و الابداع و الامتاع و الفايده و الى اللقاء

علي العضياني=

سلام من الهجوس اللي تحلّق في سماء الإبداع=على وضح النقا قدم الملا بالصوت و الصوره
يا بو غازي ليا حاربك سيف الوقت لا ترتـاع=ترى بعض المواقف تخرج الرجال عن طـوره

محمد غازي النخيش=

هلا يامرحبا والعرف عند اهل الوفا ماضاع=يقوله شاعر ماغـره الشاعـر وجمهـوره
ابو غازي عيونه للسماء ماهيب يـم القـاع=شجيع وللجزاله عارفٍ نهجـه ودستـوره

علي العضياني=

على العلم الحقيقي مجمعين الناس بالاجماع=محمد ما نبا نبحث خفاه و نجرح شعوره !!!
عسى الله يالنفيعي يصلح الاحوال و الوضاع=قبل عامين سامي فالملاعب يلعـب الكـوره

محمد غازي النخيش=

بعد ماجيت يابن الناس في سوق الشرا والباع=تركد واعرفني قبلك اللي صـادت طيـوره
تفرد سامي بفنـه وغيـره قاصريـن البـاع=ملك شهره ورفعة راس والحاسد لقـا دوره

علي العضياني=

جبال النير مليانه وحوشٍ ضاريه و سبـاع=خطير الذيب الاشهب يمسك محمد بحنجوره
هذاك العالمي ماجد زعيم الفـنّ و الامتـاع=و لو ما هو صحيح العلم ما سمّوه الاسطوره

محمد غازي النخيش=

محمد ذيبٍ اسحم ماهو بشاةٍ تجي مـدراع=حليل الروقي اللي جاب له حاجات مخبوره
تفقط في كلامك يالرفيق وطقطق الاصبـاع=ترى سامي جعل كل العرب بالفن مجبوره