انا ادري إنا وزعة ٍ وحده والبيت معمور = وانا ماجيتك في هذا العلم ياطير الفلاحي؟؟
مايفضح الليل الظلام الدجا الا مطلع النور = يالله عسى مايظلم الليل من نور الصباحي!!

شوري عليك تطيع شور الحكيم محكّم الشور=قدّام لا تومي براسك ذعاذيع الرياحي
في نفسك إليا أخذت مقلب تصير إنسان مغرور=و إليا نقدك الناقد تقول أنا رجّال صاحي

اهرج برهج الصدق ماني براعي هرجة الزور = والادمي مكتوب ٍ آجله ورزقه وسط لاحي.
انكان ماجاء منكم قصور ماجاء مني قصور= يرضيك والا روح ياعلي جعلك بالرياحي!!

المشاركة الأصلية كتبت بواسطة الشهراني (المشاركة 1000343) ايه هذا اللعب والا بلاش ابو فلاح و ابو طاايل صحت السنتكم لين ترضووووون و نعم في عتيبه كلها

علي العضياني=

يا مرحبا باللي نعـدّه منـوّل مثـل مستـور=و اليوم يحسب عندنا مثل( ابو بدر الرياحي )
الحوثي المعروف عبدالملك بالشـرّ مذكـور=على اليمن داره يحرّض جنـوده بالسلاحـي

سعود العصيمي=

دام البقاء ياشاعرٍ خابره شاعر ومخبـور=والعارفه معروف بالعرف في كل النواحي!!
الحوثي المعروف عبدالملك منهي ومأمور=والظاهر انك تدعمه ياعلي يابن فلاحـي!!

علي العضياني=

يا اللي معك شلّه علامك ما غير تلفّ و تدور=من بعد ما ركبوا على الباص يا الكبتن مناحي
الحمد لله في وطنّا علـى مذهـب و دستـور=و سعود في كلّ الدير يعتبر مرشـد سياحـي

سعود العصيمي=

اصحابي اللي معي قومٍ لهم وقت الوغى دور=ياغاذي عيال الطغم ماتحقق لك نجاااااحي!!
انا علي نهج النبي والعلم ماطـاح منشـور=وانت عميل الروم ابو مذهب ماهو مباحي!!

علي العضياني=

مزحم و طلحه فالمواقف خوان عيـال منصـور=حنّا عيال اليوم يا سعـود و اللـي راح راحـي
ما انته على علـمٍ ينقـدك فالعتبـان مجبـور=و إن كان جايك شيّ مزعلك ( طالبك السماحي )

سعود العصيمي=

انا ادري إنا وزعة ٍ وحده والبيت معمـور=وانا ماجيتك في هذا العلم ياطير الفلاحي؟؟
مايفضح الليل الظلام الدجا الا مطلع النـور=يالله عسى مايظلم الليل من نور الصباحي!!

علي العضياني=

شوري عليك تطيع شور الحكيم محكّم الشـور=قـدّام لا تومـي براسـك ذعاذيـع الرياحـي
في نفسك إليا أخذت مقلب تصير إنسان مغرور=و إليا نقدك الناقد تقول أنـا رجّـال صاحـي

سعود العصيمي=

اهرج برهج الصدق ماني براعي هرجة الزور = والادمي مكتوب ٍ آجله ورزقه وسط لاحي.
انكان ماجاء منكم قصور ماجاء مني قصور= يرضيك والا روح ياعلي جعلك بالرياحي!!