اليا تذكرنا مباراة الجزايـر مـع مصـر=بكره مصر تاخذ من اعيون الجزاير ثارها

اخر خبر ماطالع ٍ بثبيت مهدي منتظر = مار اضبط الحمسه وزيّن دلتك ببهارها.
الكأس من دونه برازيل الحرافه والظفر= حجتك هاذي ياعميل الخير دوّر غارها

سعود العصيمي

سلام والمعنى يابن سرحان في غبة بحر = وانته من الغبة تجيب الدره ومحارها.
اذنبت في نص العرب تمشي على بطن وظهر = شغلتك هاذي شتت روس العرب وافكارها.

ابن سرحان الثبيتي

يامرحبا وان حانت الوقفات مافيها عذر = نبا نجيب الدره ونكشف جميع اسرارها
القيم خلص والنتيجه سجلت 1\ صفر = عز الله اني قلتلك ياسعود دور غارها

سعود العصيمي

ان حانت الوقفة ترا مالك بهاذية شكر = واجبك وتدافع عنه والقوم دون اديارها!!
ماني مخليها الك وانا ماحضرتك فالقشر = لابد ماولع على راس الثبيتي نارها!!

ابن سرحان الثبيتي

الظاهر انك يالعصيمي ماسمعت آخر خبر = والطرقه الليله معك دوب ابتدى مشوارها
اليا تذكرنا مباراة الجزاير مع مصر = بكره مصر تاخذ من اعيون الجزاير ثارها

سعود العصيمي

اخر خبر ماطالع ٍ بثبيت مهدي منتظر = مار اضبط الحمسه وزيّن دلتك ببهارها.
الكأس من دونه برازيل الحرافه والظفر= حجتك هاذي ياعميل الخير دوّر غارها

المشكلة ماتدري انك يالعصيمي في خطر = اليا تجاوزت الحدود " ايمينها وايسارها"
من عاش بالحيله على ماقيل مات من الفقر= ولا الشيوخ اشيوخ قول الله يطول اعمارها!