انا اخوك الكبير اواجب انك تفهم المقصود = ولا تتبع طريق الغاوي اللي ينقر لـ زيره
اخاف ان الجهل يعميك ثم يكبر عليك اللود = ولا ينفعك ابو طربوش ٍ اسود في تقاريره

اخوي العود لاكني قبل ماتنولد مولود =بميّه عام فيها مانطفّي شعلة النيره
مدامك غايبٍ عني فغيرك واحدٍ نمرود=يدرسني على حفظ الكتاب وفهم تفسيره

مدام ايدرسك نمرود فاندب حظك المقرود = ومن حظه تردى وش يحصل من مشاويره
تركت السكه اللي من مشا فيها يفيد الفود = ورحت بخطك اللي ماتشوفه من معاصيره

اقص الجره بعيني ...وسمعي مع حنين الذود=وانا مادلني للراعي الا جرة بعيره
ابا اثّبت حجتي واشكيك واشهد عليك شهود =ترى النمرود عندي زايدٍ بالحيل تقديره