سلام دام العيد باقي له نهاريـن=حبيّت أعايدكم قبل عيد الضحيّه!!
والمدفع اللّي تزهبونه يالشيابيـن=ماصاد قوم ولا رقدتوا من دويّه!!

يامرحبا وانته من الربع العزيزيـن=اقلط واخذ فنجـال دلـة شاذليـة!!
مدفاعنا مصنـوع ضـدٍ للمعاديـن=عانة محطم يابيض الشارب سرية!!

يالاد شيبان اشتهرتـوا بالسكاكيـن=مافيـه شيبانـي ماعنـده نافعيـه!!
مدري على ايداكم نحصّل نصرة الدين=والاّ على ايداكـم تعـود الجاهليـه!!

رمز الشجاعة للرياجيل الشجيعيـن=مير انتبه ....والنافعية في يديـة!!
الجاهلية ميته مـن عـام عشريـن=من سيف اخو نورة زعيم اليعربية!!

حنّا مانبغى واردات الهند والصين=نبغى نجيب الماركات العالميه!!
مهما مدحتوا نجد ياصحاب البعارين=يبقى العجاج يعج في نجد العذيه!!

ياطير ياطير السعد رف الجناحين=مادام والله ماعلاك,,, ولاعلية!!
المجد,,,والتاريخ (في نجد السلاطين)=مهما العجاج تعجها صبح وعشية!!!

لا بد من يومٍ تقرّ ابه الموازين=حتى تعرفون الصواب من الخطيّه!!
والهرج وانا أخوك ماحررَّ فلسطين=ولا اقلك الذمّه من الذّمه بريّه!!

تبغا نغنيها على (ياليل ,,ياعين)=والا نغني باللحون السامرية!!
لولا,,ولولا,,كان قد ذقت الامرين= مير احتموك اهل الوفا واهل الحمية!!