الهيـــــــــــــلا *** منتدى قبيلة عتيبة - ][®][^][®][صــاهــود/ تـحـت دائـرة الضـوء ][®][^][®][

- شعر المحاورة (http://www.otaibah.net/m/forumdisplay.php?f=52)

حي الله الضيف والمضيف .. السلام عليكم .. وشكرا من القلب على هذا التواصل الذي يجعلنا نتعرف على النشاما والرجال الطيبين .. الاخ العزيز والاستاذ / وحي العقل كم انا سعيد بهذه الحلقات التي تقدمها .. وحلقتنا هذه مميزه كتميز ضيفها ومضيفها صاهود له منّا جل التحايا على حظوره وهو أحد أركان المنتدى ورواده الطيبين .. اتمنى لكم أطيب الاوقات والاستمتاع .. والشكر موصول للأخوان من خلف الكواليس ..

...

اقتباس:

المشاركة الأصلية كتبت بواسطة كبتن عتيبه (المشاركة 945864)

مرحبا بالشاعر المبدع

صاهود

== مرحبا ومسهلا ياكبتن عتيبه ويشرفني تواجد شاعر احجمك فالمتصفح

يردد الناس الكثير من بيوت المحاورات وتتناقلها الرواه

طبعاً محاورات الميدان

هل بيوت محاورات النت تلقى نفس القبول ؟إذا إجابتك بنعم؟ هات ماراق لك حفظه من إبداعات شعراء منتدى الهيلا؟

=== نعم نعم فيه 70 بالميه من محاوراتك ياكبتن عتيبه لكن ماعرف كيف اقتبس البيوت وحطّها لكن

ردك اللي تقول فيه للسعيدي

المنظره وبرج الفيصليه

ورد للجذع ويا الفالح

اللي يذمون التمر كانو يمصون اعجمه

وبيت للعمده كان وياي=== اللي فيه الاقزام

وبيت لخيال الصفراء كان وياي

والامثله كثيره
وفيه شعار فالنت افضل من شعراء الميدان ترا الصفوف واللحن والالقاء يلعب دور والدليل بعض شعراء الميدان يخرجون من الميدان لاصلّوا ولا صاموا ولما نقراها كتابيه تشوفها عاديه

امّا شعراء النت لاجمهور ولا صفوف ولا القاء من الشاعر نفسه فقط كتابه وتجده يلفت الانظار هذا ان دل دل شاعريته

تحياتي

مرحبا ومسهلا يالكبتن واكرر شكري لك

اقتباس:

المشاركة الأصلية كتبت بواسطة ابن سرحان الثبيتي (المشاركة 945871)

السلام عيكم ورحمة الله وبركاته

==عليك السلام ورحمته الله وبركاته

صاهود كيف حالك طال عمرك

بخير يامال الخير وعمرك

وبعدين اكبت بلون مختلف على شان نعرف نقرأ ولا شوفك تكتب باللون الاحمر هههه

=== والله لو اعرف ماذخرت شي يابن سرحان

1\هل نقض المعنى في نظر صاهود شرط لنجاح المحاورة ؟

===طبعن مافيها كلام

2\عندما تضيع به الطرق ويتوه في غبة المعنى ماذا يفعل صاهود ؟ للخروج باقل الخسائر ؟

ماحصل وياي لان المعاني هنا اغلبها مكشوفه ==== لكن اذا اشكل علي امر انشّده او ارد علي شكل البيت او اغلّطه او احرف المعني او اهجّده المهم ماخليه ياخذ شي علي احسابي هههههههه
3\هل الفتل والنقض حاضر في شعر صاهود؟

===لاما عتقد قاف ووزن واعرضه فالسوق ان سام احد تناقشت وياه ونوب عميا ونوب صميا هههههههههه

4\وماهو اقوى بيت فتلته؟

===مافيه وان كان فيه ماذّكره

5\وماهو اقوى بيت نقضته وماهو النقض ان امكن ؟

===ماعتقد ان فيه بيت نقضته وان كان فيه ماذكره

6\اخر مرة كنت متواجد فيها قبل الايقاف باسم خلف العارضي كنت مستحق للوسام بجدارة ولكنك عدت بعد الايقاف بمستوى اقل ماهو السر ؟

=== اول شي انا عود من عرض حزمه حالي حال العضو الجديد ثاني شي خلف العارضي خسر واجد

رغم ابداعه واول ماخسر حاكم الغنامي ومعجب وخوي السعد وانا عندي الرياجيل هاذي ابدا من الوسام

ثالث شي الهون ابرك مايهون ورابع شي ماعندي هدف اتعب علي شانه مجرد تسليه ويا الرجياجيل اللي مثلك وشرواك لكن انا اشوف صاهود وذيب عروا افضل من خلف العارضي بكثير

والله يذكره بالخير ذيب عروا شخص مرح

7\ شاهدناك تعود في المرة الاخيره اضعف مما كنت عليه في اخر مرة كنت تكتب فيها باسم خلف العارضي ماهو السر ؟

=== السعد يغيب ويحضر والواهس له دور ومرات العب احترام للي طالبني وخاصه الاعضاء الجدد

مارد احد ومرات ادخل ابقضب صف العوني ولا ابوطايل ولا العمده مالي نيه للعب يطلبني شاعر مااقدر اصد
حتي لايفهم غلط وياخذ عني فكره غلط

وحياك الله يابن سرحان

اقتباس:

المشاركة الأصلية كتبت بواسطة هايل العتيبـــي (المشاركة 945872)

مرحبا ومسهلا ياهايل والله يسلمك ويبارك فيك وشهادتي فيك مجروحه

انت من الناس اللي نشتري رضاها ولك حظوه كبيره عندي اخلاق وادب

وحّميه مشروعه وش اقول واخلّي قابلك الله ياهايل

لاهنت لاهنت

حياك الله ياصاهود والله يقويك

تصدق توني ادري انك خلف العارضي :)

على العموم والنعم بالعوارض أهل مشذوبه وان طرالي أسئله جيت معوّد

لك فائق الاحترام والتقدير ....

السلام عليكم ورحمة الله وبركاته

حلقة مميزة بالفعل وتواصل رائع وضيف ممتع
حضوري للسلام والسلام نظر

والاسئلة لاحقا
حتى اتفرغ لها على ركبة وساق

تحياتي

اقتباس:

المشاركة الأصلية كتبت بواسطة شـــلـــهوب (المشاركة 945901)

ههههههههههههههههههههههههههههههههههههههههههههه

هلا ياشلهوب والله اني اشتقت للحروب الداميه بيني وبينك

وماعلاك زود ياشلهوب وانتم اهل طلال == الهيلا وستين نعم جيران وعواني

لكن وينك ماعاد نشوفك عسا المانع خير والله كل ماذكر طواريقي معك ااني اتنومس فيها

اشهد بالله انك تحمي الميقاف

وبالنسبه يوم تقول مادريت ان صاهودخلف العارضي انت قطعت من العام علي ايام معرف خلف العارضي

اقتباس:

المشاركة الأصلية كتبت بواسطة سعود البرقاوي (المشاركة 945907)

عليك السلام ورحمته الله وبركاته

والمميز حظورك يابوفهد

والاسئله وش تبي فيها يابوفهد انا عرفّك وانت اتعرفني

خلك معي ان شفت احد احرجني في سؤؤال اهجده في طاروق:)

صاهود موجود ياليل مننت ليله

رغم عدم تفرغي هذا الاسبوع لكن سأحاول أن أعود ببعض الاسئله ولو الامر في يدي لجعلت الحلقه تمتد لاسبوعين لاني في بالي علوم واجد .

مرحبا بالشاعر المبدع

صاهود

اخ وضيف عزيز

مهما اختلفت المعرفات

يبقا خلف محبوب وغالي معنا