الهيـــــــــــــلا *** منتدى قبيلة عتيبة
صفحة 4 من 5 « الأولى 23 4 5
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   تولم يالسعيدي وارصد الاهداف بالدقه \\ عرفنا عمتك وافكارها الله لايوفقها (http://www.otaibah.net/m/showthread.php?t=100648)

فايز بن سرحان الثبيتي 12-Nov-2009 06:23 PM
بيض الله وجهك يابو عايش


واشكرك على قبول الدعوة

فايز بن سرحان الثبيتي 12-Nov-2009 06:23 PM
ابن سرحان الثبيتي

تولم يالسعيدي وارصد الاهداف بالدقه = عرفنا عمتك وافكارها الله لا يوفقها
تبا تهدم جدار القصر واتعمرلها شقه = تراها سالفه في ذمتي ماحد يصدقها


فواز السعيدي

تلقّط فالسوالف ياثبيتي منت متفقّه = خدعك العود ابو برطم شديقاته يشدّقها !!
نصيحه لاتهوز النّوز حتى عينك تحقّه = يارجّال تجينا بالعلوم اللي ملفّقها


ابن سرحان الثبيتي

اجل ماتدري انك ممتحن صاحبك في حقه = تبا تدخل بيوت القوم واتسكت بنادقها
على جنب البعير ابنشدك وش تازن البقه؟ !!! = ولن ما صبت الاهداف البعيده قلتك سقها


فواز السعيدي

ياراعي جدّه انت تميع لو نطردك فالرّقّه = وانا رجّال وافهم فالمعاني لو تدرّقها !!
معاني ربعنا اللي جنبنا واجد (واخذ دقّه ) = اناشاعر واتاجر بالقصايد واتذوّقها


ابن سرحان الثبيتي

اخذ ماجادلك والباقي من السالفه بقه = اثرها لحمة ٍ نية فبطنك مانت سالقها
علوم ٍ جيتنا تسعابها وايداك مزرقه = واضنك يالسعيدي مانت سالم من مطارقها


فواز السعيدي

لكن اللي عطاك العلم قربه ما ومنشقّه = ياليته يندرق في بندقه ولاّ يعلّقها !!
انا ماحب هرجات القفا والزور والنقّه = اقابل خصمي اللي يختصم واقول له (ذقها)!!


ابن سرحان الثبيتي

ياليتك تستشير الشايب اللي دايم تعقه !! = تراها غلطة ٍ تحسب علاكم مع سوابقها
اثر حبك مسوس مار لن طاوعتني نقه = وبنت ٍ مايحل نكاحها ليتك تطلقها


فواز السعيدي

انا ماخطيت والبابور لاطب البحر شقّه = تبا تبتاع بيضه عند رجلٍ كان سالقها!!
يافايز قبل لاتنحي مع اشعيب السنع لقّه = لعلّك كان ماجمّعت ربعك ماتفرّقها

نوآف الغنامي 12-Nov-2009 06:51 PM
يا سلام سلّم



صحت السنتكم اثنينكم على هالابداع ..



وبيض الله وجيهكم

فايز بن سرحان الثبيتي 12-Nov-2009 07:03 PM
خيال الصفراء



وصح بدنك لاهنت ....

سيف المنى 12-Nov-2009 10:52 PM
عمالقه كفيتوا ووفيتوا

رعد الروقي 12-Nov-2009 11:58 PM
اجل ماتدري انك ممتحن صاحبك فـي حقـه
تبا تدخل بيـوت القـوم واتسكـت بنادقهـا
على جنب البعير ابنشدك وش تازن البقه؟ !!!
ولن ما صبت الاهداف البعيده قلتـك سقهـا



الله الله


ابن سرحان // فواز


صحت السنتكم وقلوبكم

ابو لمار 13-Nov-2009 12:04 AM
ابن سرحان


فواز السعيدي


صخت السنتكم وقلوبكم




تحيتي لكمااااا

سعد السميري 13-Nov-2009 12:58 AM
انا ماحب هرجات القفـا والـزور والنقّـه
اقابل خصمي اللي يختصم واقول له (ذقها)!!


الله الله .. يالسعيدي ..


بيت عملاق ...



ولو إني مادري وش وراه من علوم .. :)



بس أعتبره بيت حكيم من شاعر حكيم ..




ولا يهون بن سرحان الثبيتي ... اللي د1يم يعجبني في محاوراته الذهبيه.. مع شعراء ذهبيين ..


وإنتقاء للطواريق العملاقة التي تليق بالمحاورة ..




شآكر لكم جميعا


وصحت السنتكم ..

قادح شرار 13-Nov-2009 12:38 PM
صحت الألسن ..

سعود العصيمي 13-Nov-2009 12:51 PM
اجل ماتدري انك ممتحن صاحبك فـي حقـه
تبا تدخل بيـوت القـوم واتسكـت بنادقهـا
على جنب البعير ابنشدك وش تازن البقه؟ !!!
ولن ما صبت الاهداف البعيده قلتـك سقهـا



انا ماحب هرجات القفـا والـزور والنقّـه
اقابل خصمي اللي يختصم واقول له (ذقها)!!



الله الله

ياسلام سلم


ابو رياااان


وفواز السعيدي

شعار كباااار


صحت السنتكم


الساعة الآن »02:14 PM.
صفحة 4 من 5 « الأولى 23 4 5
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd