اضافه ابيات مرثيه في الشاعر عايض بن سرحي رحمه الله

خيم على البيطار حزن الفراقي=فرقا رفيق راح من غير توديع
مفارقٍ معاد بعد ه تلاقي=اقفيت ياعايض بليا مراجيع
وصدور ربعك من رحيلك ضياقي=ومن موتتك كل المعارف مواجيع
لانك صريح ولاتعرف النفاقي=وبالطيب لك فاعلى الطويله مواقيع
لوقيل ظلع الطيب عسر المراقي=الاعلى شرواك سهل المطاليع
وسبحان منهو دايم الدوم باقي=والخلق موعد بالفنا والمقاليع
عساه يجعلك عن النار واقي=ويدخلك جنات ثمرهن مهانيع
تقطف ثمرهن طيبات المذاقي=تاكل وتشرب من جميع الينابيع

اليادعانا رفيـق الطيـب جينالـه=وكل المشاغل علاشانـه نكنسلهـا
شروى المغيليث غازي حقً اعناله=ابومحمـد دروب الطيـب داهلهـا
كلم تليفون مارسل يمـي ارسالـه=قال العزيمه لاجل سلطـان فاعلهـا
قلت انت تفعل وضيفك والنعم فالـه=من روس قومٍ مفاخرهـا تجملهـا
ابن ثويني من العجمـان محوالـه=وفالشعر إله رايةٍ محـدً بجاهلهـا
من الكويت العزيزه حطت ارحالـه=عند ابـن عـمً تراحيبـه نفزلهـا
شاعر ومن روس قومً تحتمي القاله=هيلاً على العز والنوماس منزلهـا
ولكل حاضر تحيـة طيـب تهدالـه=في حلـةً بالوفـا غـازي مكملهـا
من شاعرٍ بالجزيل يرجـح اقوالـه=بنات فكره مايقنـع غيـر باجزلهـا

وش يضمن انك من طويلين الاعمار=يالي تقول الياكبرنا نتوبي
هذي عباره دوم للعاصي اشعار=يوحي له ابليس العين الكذوبي
حتى على اثمه فيه يزتاد الاصرار=ويشجعه على اقتراف الذنوبي
يقول مالك هم والرب غفار=اشرب خمر وازن وتعاط الحبوبي
واقطف ثمرماتشتهي قطف الازهار =ويمد يك تسلك صالحات الدروبي
يغفّلك و الموت مايعطي انذار= والياغدابك قال رح لشبوبي
هو مكسب له جيتك معه فالنار=هذا مصيره عنه ماله هروبي
ولا انت صدك عن مناهيج الاخيار=طعته ولاله فالمطاعه وجوبي
زرعت واجن اليوم منتوج الاثمار=ماتنفعك قولتك لو عودوبي
لدار الاولى لاجل فالخيره اختار=ويقال قد جتك النذر بالخطوبي
عما البصيره مايقديه ال ابصّار=وسبحان من بيده صلاح القلوبي
يالله ياللي بامرك الفلك يندار=انت إلذي تعلم جميع الغيوبي
وفقني ال خشيتك في سر وجهار=والطف بحالي في اشتداد الكروبي
لا قفيت من داري وحليت في دار=في منزل مساحته دوب دوبي
طولي وعرضه مايجي خمسة اشبار=بطن اللحد سكر عليه بطوبي
من عقب بيت لي منازيله كبار=والنور يدخل فيه من كل صوبي
حطيت لي في ماقعٍٍ مابه انوار=وسطه ملائكة العمل ضيقوبي
يارب ثبتني الياصار ماصار=في ساعةٍ فيها تراعد جنوبي
عن كاهلي خفف ثقيلات الوزار=واعف وتسامح يالولي عن ذنوبي

صح بدنك يابوعدي

تستاهل التمجيد والله يابوعبيد=ولكل من مثل عتيبه تحايا
انته وابودغيم ضريف الاواليد=وضيف الله الثالث حميد السجايا
والرابع اللي من اخيار الاجاويد=عسى الولي يجبر عزاك وعزايا
ويجبر عزاء اصحاب الوفي دون تفنيد=وعساه في جنات عدنً علايا
حضوركم مصدر فخر يااصناديد=في حلة الشجعان اسهوم المنايا
في حفلة الجبلان لصيرمي زيد=يستاهل التكريم راع الحمايا

مجاراة السيحاني ناصر الهواوي

وافي ولا قصرت واتعيش يافهيد=وفيت ياشبل السباع الضرايا
كفيت والروسان غرٍ صناديد=اهل المدايح والفخر والحمايا
ان جا نذير وطوحت سترها الغيد=وردوا حياض الموت ورد الضمايا
يرسون لجموع العدا رسية الحيد=بالمشرفية والسيوف الحنايا
وان سندوا على المتون البواريد=يجي لهم فعلٍ عظيم وسوايا
وملفى الضيوف مزبنين المضاهيد=ياطيب جيرتهم اجزال العطايا
تروي قدايم فعلهم صحصح البيد=يوم الآخايذ والفتن والرزايا
وبغيت ازيد وقلت مالازم ازيد=قوم ابن جامع ما تفيد الحكايا
شيخٍ سما عن كل عيب ومناقيد=مثل الجدي معروف بين البرايا
اريدها واليوم جت لي كما اريد=ودونتها لك يالسنافي هدايا

يالشعر دليتني مسكان ابورامي=مشكور لولاك ماكناعنيناله
لاهوجنوب الرياض ولاعنه شامي=غرب اربعين النسيم وبنده اشماله
يبعدعن اول اشاره رمية الرامي=بيته يشرف عزيز النفس مدخاله
ماجيت خالد واناجايع ولاضامي=جيت اتشرف بعرفه واسمع امثاله
لقيت سلم الوفا والطيب قدامي=في مجلس فيه خالد يبهج اقباله
ناره توقد عليها شغل الاشوامي=ادلال رسلان ولهن جند عياله
ذا معه دله وذا بالمطيبه قامي=ولاهي غريبه على خالد ولاامثاله
شاعروله بالكرم والطيب مرسامي=نوادره من سمعها ينشرح باله
اله التحيه عدد ذعاع الانسامي=مني عبرمنتدى البيطار تهداله

يافهيد حيت . واقلط يابن الاكرامي = الباب مفتوح . والنيران شعاله
سلمٍ لنا ياولد من ماض الايامي = تطور الفكر. والمبدا علي حاله
والطيب واجد . وبين العالم اقسامي = في كل دارٍ ترا حقه من ارجاله
وتراه يوم تركز فيه الاعلامي = لازارني طيّبٍ مثلك . وانا خاله
ليت الهواوي معك سير بالاقدامي =حيث ان فالك علي الجزله مثل فاله
ياحي ذاك القبال. وسبعة انعامي = لاطال راس ابن عمك عزك اضلاله
مقداركم بكرةٍ فقارها زامي = والآ قعودٍ يودا الذبح باعقاله
وانتم عتيبه رجال الموقف الحامي = قلته وغيري كثير من العرب قاله
ومن يفعل الطيب ذكره بالثنا دامي = واللي فعل شي غير الطيب يشتاله

تعيش يامسمي الموقع على مصـده=من ديرة المجد حطيت له عنوانـي
الديـره اللـي ثناهـا كلـن يعـده=في نجد معروفةٍ من ماض الازماني
امجادها من عصور جـدود ممتـده=حلة كبار البخوت طـوال الايمانـي
عن الضيف مامنهم اللي ينوي الصده=اسوا غني مـار ولاسـواه فقرانـي
وان جا نهارٍ به الاعصاب مشتـدده=والجو غاشيـه معصيـرً ودخانـي
هم الدويلـه موصلـة العـدو حـده=وفي حطيبه تشهد بيوت بن غرباني
من جا بذوده من العجمان مرتـدده=ماني باجيب العلوم بـدون برهانـي
وقصيرهم فالقسى مايشكـي الضـده=ودخيلهم عقب خوفه باامن وامانـي
يثنون بالشلف واللي مرهـفٍ حـده=سيفً يعزل الجماجم عن الامتانـي
مع الجوامع حزام الضيـق والشـده=كم طامعٍ مرتميهـم راح خسرانـي
وكم فـارسٍ فالملاقـا تربـو خـده=يوم ان سلم الامن بسنـان وعنانـي
اشيوخنا فعلهـم ماينحصـي عـده=من مات منهم جزاه الله بالحسانـي
والحي جعل الولي بالصحـه يمـده=بقيادة الشيخ جامع طيـر حورانـي
يعيش جامع وعاش اخوه ابن جـده=من عبيد محاولهم مانـي بغلطانـي
مترك وجامع عينين براس من قـده=مهوب توه في عصر العولمه بانـي
اليوم في ظل حكمن عـادل رشـده=في ضل خادم ابيوت الله وسلطانـي
وختامها بالنـدى ياموقـع مصـده=شرهتك تكبر على الروسان من داني
جميع طيـب مـن الدمـام لاجـده=واللي سكن فالكويت وكل الوطانـي

المشاركة الأصلية كتبت بواسطة الشريف فيصل بن لؤي (المشاركة 1161314) حقك ليا سيرت مهوب فنجال حقك يقلط في كبار الصياني صح لسااااااااااااااااانك ويستاهل غازي وأنت تفعل

ماعليك زود

يافيضل

تحيتي وتقديري