انا كشفت الخطط واسلوب لعب الفريق = للريس اللي مشكلّها ومختارها
آخر زمان الذمم اتشيل ما لاتطيق = اقلوب فيها الحقد لاطالت اعمارها

فواز السعيدي

تعال ياصاحبي عسى عتيبه تضيق = انابعلمك بعتيبه وباسرارها !!
انته لياشفت في وسط المباني حريق = تأكد ان المنافذ ماطفت نارها !!

ابو لمار

انا ادري انك صديقي يوم مالي صديق = في داخل اديارها او خارج اديارها
انته علامك على ريع المشاكل تويق = صاحبك مايتبع الغشمان فاشوارها

فواز السعيدي

لولا السمن والعسل ماعاد نشري دقيق = اللحيه الطيّبه تقلط لمقدارها !!
ياعنك ماني على ريع المشاكل شفيق = لكن نبغا نرد القوم في دارها !!

ابو لمار

الحين بان العدو ياصاحبي والرفيق = بعض العرب يالسعيدي بانت ادوارها
هذي البدايه وباقي مشكله فالطريق = اصبر وبكره تجيك الناس باخبارها

فواز السعيدي

الحين دوبك يابن سفيان دوبك تفيق = عان الرياجيل لدّت فيك بانظارها !!
عينك معك ليش تدخل في هذاك المضيق ؟ = الله يعينك على بقعا وزوّارها !!

ابو لمار

فايق ورايق واعرف اللي لها مستفيق = واعرف ناقة عقيد القوم وحوارها
ماني بناشد عن اللي من كلامي يضيق = والحيّه اللي تبث السم في غارها

فواز السعيدي

لاتذخر العلم ياراع اللسان الطليق = ارزع على الارض حتى يظهر غبارها !!
انته لو انّك عرفت شعيل تعرف زريق = والزبده (جمال وتبرّك على ازوارها ) !!

ابو لمار

انا كشفت الخطط واسلوب لعب الفريق = للريس اللي مشكلّها ومختارها
آخر زمان الذمم اتشيل ما لاتطيق = اقلوب فيها الحقد لاطالت اعمارها

النا س تبغا بدال طويق تصنع طويق = والناس تسكن يمين الارض ويسارها !!
هرج السّعه ماكسب دعوى ولابل ريق = علمٍ تعرفه كبار القوم وصغارها !!

اطويق ماله مع الضلعان ضلع" طبيق = لو ان دولة مصر ماجفّت انهارها
لكن هذي تسبب بلبله ياعتيق = مع ناس في الطيّبه ماترخص اسعارها