المشاركة الأصلية كتبت بواسطة كايدالاجرب (المشاركة 979184) صح لسااااااااااانك ياهلال ولي عوده انشاءالله قرأت قصايدك مره واكثر من مره ولم اكتفي من قراءتها لجمالها وعذوبة كلماتها ولك ودي واحترامي

لي صاحب(ن)طول عمره منزله فالمشاريف=على شداد المروة والكرم مايحوّل
لابس ثياب الشهامة والشرف والمعاريف=طبيعة ابوه واعمامه وجدّه من اوّل
ان قوطرت به جماله ماتعوّد مناكيف=إلاّ بعد مايجيب المثمنات وينوّل
وانعم بظفر(ن)نماريبه ونفخر كما السيف=للطيب والجود والمعروف بنكٍ مموّل
ذخر لعوانيه واصحابه وللجار والضيف=كنّه نسيم بهماليل السحاب يتجوّل
أسْطع من سهيل كان سهيل يحتاج توصبف=على مباديه يحيى ثابت(ن)ماتزوّل
يفدونه اهل السخافة والرخوم الملاقيف=اهل الزلل والسماجة والكلام المتوّل
وانا مااحب امدح إلاّ محتمين المواقيف=مااحب اصفّ السوالف والكلام المقوّل
يآرب تجعل لابوفيصل عن الشر تصريف=وتكفيه غدر الليالي والزمان المهوّل
واجعل حياته على الطاعة والايام بالكيف=على التقى والنقى والخير عمره يطوّل

ورقا على اغصان المودّة تنوحي=على معازيف الوله تعزف من امس
اثآرت شجوني وصحّت جروحي=وادمت خفوقي واحمست خافقي حمس
ماذكّرتني غير باحْباب روحي=والكوكب اللي فوق عن مستوى اللمس
ياسيّدي تدري وش اكبر طموحي=أفهق ظلام الليل واعانق الشمس
واحقّق احلام الخيال الجموحي=اللي طمسها الوقت في مهدها طمس
واغرق نجوم الليل في بحر بوحي=واغرس نخيل الشوق في واحة الهمس
ليتك سمعت لصرختي كان توحي=لايحتويك الشك والهاجس العمس
وشلون طيفك صار مثلك شحوحي=ان زار مرّة عقبها يقطع الرمس

أناجديدي حرف مكتوب في حرف=والحرف الآخر غادي فالبـوادي
للي خفوقي يمّهم منحرف حرف=قلبٍ خوافيه اكثر مـن البـوادي
يجرفني التيار وآقف على حرف=والسيل يجرف كل شيً بـوادي

(ياحلم وين المشكله لو تحققت)=واصبحت في دنياي واقع خيالي
لو انّك بعين الرضا زين دققـت=تلقاك في جنبي وكنّك ظلالـي
وياقلب لو من جور وقتك تشققت=عسى العوض في مقبلات الليالي

إعزف على اوتار الغلا والاحاسيس=بحرفك المجنون داعب خيــــالـــي
أناعلى قلبي جنود ومتـــــاريــــس=لكن ماتمنع هبـوب الشـمـــالـــــي
أسج في دنيا الحبر والقــراطيس=واسجّل اشواقي لمخلوق غالــي
افصّل ابياتي والافكار بالقيس=واكره هل الهذره وكثر السؤالي
واعشق بنات الخيل والشعروالعيس=واشتاق للقهـــوة وصفْـــر الدلالـــي
يضيق صدري واتعــوّذ من ابليس=واذكــر كـريم الوجــه رب لجلالـــي

المشاركة الأصلية كتبت بواسطة ابراهيم الزراقي (المشاركة 1000808) صح لسااانك ياهلال اوراق شاعر مبدع ارق التحياااااااا لشخصك

المشاركة الأصلية كتبت بواسطة الكنق 2011 (المشاركة 1000899) صح السانك ياهلال مبدع

ياكثر ماحثيتها صوبك خطاي=ولاقدرت اوصل لخط النهاية
انصاك مير اضيع ويضيع ممشاي=سراب يركز فاشْهب اللال رايه
اتوه في صحراء الضما واطلب الماي=وسايلي تعْبت تبرّر لغاية
الريح تعزف كنّها عازف الناي=تزيد من همي وتردف عنايه
واشاور الطير المحلّق وش الراي=اكمل طريقي والآّ اعوّد ورايه
واسمع صدى صوتي من اقصى المدى جاي=يحمل تعب صوتي ويحمل شقايه
يقول من يشقى ورا خل نسّاي=يعوّد ادراجه لخط البدايه

المشاركة الأصلية كتبت بواسطة يوسف العازمي (المشاركة 1009923) صح لسان ولاهنت دمت بود

السحاب اللي من المنشا رفيّه=استباح الروح وعيوني سحرها
نوض برقه يخطف الابصارضيّه=شاقني واثّر على العين ونظرها
هلّي الما يالمزون العقربيه=غيمة الحرمان مانقّبل عذرها
احتويني في مجال الجاذبية=واحيي آمالٍ عثا القيظ بزهرها
كل غصن صابه الوقت بشظيّة=والجفاف اجتاح الاوراق وشجرها
مبطي ادعي خالقي وارفع يديّه=واترجّى نوّةٍ يهمي قطرها
مير حظّي ساق غيمة نرجسيّة=ساع ذيّرها الهوا واجهى مطرها
الهوى المجنون عاكسها شويّة=لين عكّر جوّها واعمى بصرها
واتركتني في سراب المهمهيّة=في صحاري طوّق احساسي خطرها
غيمة الحرمان راعدها قضيّة=صوته يزلزل ثرى البيد ومدرها
مير لا يمطر ولايصدق نويّه=مااغرق البيدا ولا سيله حدرها
من عذابه حط فالوجدان كيّة=مااحدن يسبر مداها من كبرها
من كبرها كنّها مقلع طميّة=تقْل نيزك طب من فوق وحفرها
ورغم هذا لوقسى وقتي عليّه=نفسي المولى على العزة فطرها
مارْجي المقفي ولااعاين نحيّه=والغيوم الذاهبة مامْشي فاثْرها

جابك الحظ مدري كيف ومنين جيت=ياطبيب الخفوق وجرحه السرمدي
جيت مثل المطر شنّة ورنّة وصيت=في نواصيه برقٍ لامعٍ وبْردي
احسبنِّي نسيتك واثرني مانسيت=ساع شفتك وقلبي صار يعدي عدي
فز ماكنّ ودّه في ضلوعي يبيت=لولا انا ماسكن حدب الضلوع بيدي
قام يهبد بلا يمِّة وكنّه ونيت=سايقه ورعٍ اقشر والمرافق ردي
ذبّوا الريع والماطور مافيه زيت=وحطّموا كل شيٍّ فيه حتى البدي
مير ثبتّ في ميقافي ولا مشيت =وإلاّ انا لومعي حيلة لاجيك اجْهدي
ردّني عنْك مبدن راسخٍ به ربيت=ديني وعقلي وخوفي حدنّي حدي
ادري انّك بخير وفالحياة اهتنيت=كل هذا وربّي من دواع اسْعدي
فرحتي فرحة كويتي بنصر الكويت=يوم عاد لبلاده وادبر المعتدي
أنت نبراس في ضيّه كتبت وقريت=كلّ حرفٍ شجيّ وكلّ حرفٍ ندي
وانت بدرٍ على شلال نورك سريت=من ضياك استنير وفي سناك اقتدي
يارعى الله ليالٍ في سمانا بديت=مااعرف سهيل والزهرة ونجم الجدي
كلّما اشوفك ابدع لك من الشعر بيت=يوم كنتوا وكنّا والبساط احمدي
أذكر انّك على اقفال الضماير سطيت=واذكر انّك سرقت النوم من مرقدي

الغيم لو داعب جبـال السـراوات=الشعر ينبت مـن ربـاه ووهـاده
ياللي تحرضني على بدع الابيات=ماعادلـي فالشعـر شـفِّ وراده
احسن منه لو انّي اقرالـي آيـات=بعد الفريضة في بيـوت العبـادة
والاّ اركع اليا هوّد الليل ركعـات=وقت السحر والليل مسدل سـواده
وارفع يديني تالي الليـل لحظـات=لحظات ربّـي يستجيـب لعبـاده
اوقات فيهـا تسّتحـب المناجـاة=ومغادر فراش الدفـى والوسـادة
تجري بنا الدنيا بـدون اتجاهـات=احيان نغوى عن دروب الرشـاده
واحيان نمشيها على كيف ماجات=ماهيب حسـب المعرفـة والارادة
ندلّهـا مـرات ونضيـع مـرات=ولا كل مخلـوقِ يحصّـل مـراده
بين الفرح والحزن نقطع مسافات=فيهـا نـدوّر للونـس والسعـادة
احلامنا كالغيـم غطّـا مساحـات=لكن مايصفـى لـلارض بـوداده
المسعد اللـي ماغـدا فالمتاهـات=قـدّم لنفسـه قبـل تبلـى جـداده
والشعر ماهو من عظيم الكرامات=هرْج العـرب والابجديّـة مـداده
مليون شاعـر عانهـم فالقنـاوات=شباب واطفـال وبنـات وعـواده
كلَّ يقـول انـا زعيـم المهمـات=الفـارس اللـي ماتعثّـر جـواده
ثلثينـه مهايـط ورب السمـاوات=يحتـاج جـرّاح ودوا فالعيـادة
الشعر يبقى حي لو شاعره مـات=وبديوي الوقداني اصْـدق شهـادة
وفالحاضر الراهن رموز وعلامات=وكلِّ يدوّرلـه مثـل مـن بـلاده
اشعارهم تاريح مجد وحضارات=وتبقى على صدر الفصاحة قـلادة

الــورد للورد من يستاهله غيرك=مساك ورد وصباحك ورد يالغالي
ياكبر سطوتك في قلبي وتأثيرك=مزروع فاحْساسي وفي شرفة آمالي
الورد ينطق ب احاسيسك وتعبيرك=يسأل عن اوضاعي وينشد عن احوالي
نهب خفوقي وحلّق فالفضاء طيرك=ارجوك خلّه معك في برجك العالي
احلى مشاوير فالدنيا مشاويرك=لو في صحارى النفود وفالخلى الخالي
اشراقة الروح من فجرك وتنويرك=مع كل نبضة غلا تطري على بالي

علامك تجر النوح ياطاير الاشجان= وانا اخْبرك لوضاقت عليك الوساع تطير
تسلّفني الجنحان يامطلق الجنحان=اخذ كلّ شيِّ واعطني كل شي ياطير
ولابيننا كاسب ولابيننا خسران=ترا السالفة تغيير لمجرّد التغيير
اليا كنت متميّز وتشْدو على الاغصان=تغرّد على خضر النوامي ضحى وعْصير
فأنْا افخر بنفسي وافخر بربعي العتبان=اخاوي هل الطالات واعشق نوايا الخير
واليا كنت ترقى فوق لمعانق الامزان=تسبّح بحمد المعتلي صاحب التدبير
ف انا اسجد لربي واعبده واقرأ القرآن=واصلّي على خير البشر مشعل التنوير
واحب الملك والشعب واموت فالاوطان=واقدّر رجال العلم واهل الفكر تقدير
واحب الرماية والشعر واخضر الالوان=تولّعت فالاهلي وتوّي وراع صغير

المشاركة الأصلية كتبت بواسطة عبدالله الفهد الاسعدي (المشاركة 1043249) اخ هلال لست بحاجة الى شهادتي ولكن الحق يقال انت بارع بكل المقاييس استمتاع كامل مع كل نص شعري فاخر دمت موفق لكل خير

المشاركة الأصلية كتبت بواسطة رايدالجعيد (المشاركة 1043611) الله أكبر الله أكبر الله أكبر بيض الله وجهك شاعر سبك و حبك و معنى و جزاله و و و و و و و و و لا بد أن تثبت هذه الأوراق المكتوبة بماء الذهب من شاعر مبدع رووووووووووووووووووووووووووعة تقبل إعجابي و مروري و صح لسانك مليوووووووووووووووون

المشاركة الأصلية كتبت بواسطة ابو سيف الميلبي (المشاركة 1044654) صح السانك ياهلال على هذا القصيده اياه المبدع ونطمع فى الجديد

المشاركة الأصلية كتبت بواسطة عبدالله بن طلال (المشاركة 1046357) يالربع المشرفين الموضوع هذا ، بغض النظر عن محبتنا لهلال .. ( يستحق التثبيت ) ولو كان في منتدياتي اللي انا مراقب فيها ثبته على طول تكريما للرائع هلال انا اطالب بالتثبيت ، وانا عارف انكم مقدرين هالشيء

ياصاحبي مع طاري البن والهيل=طاريك يطـري ياكريـم السبالــي
والمعذره لو ماوفــن المراسيـل=مير انت تبخص صاحبك وانت غالي
قدرك رفيع وعندي اعلى من سهيل=نعم الخويّ ومنزلك فالعلالي
ان طرّوا اسمك كنّهم طرّوا النيل=بالطيب تجري ياحميد الخصالي
بينك وبين الثاني من البشر ميل=مركزك الاوّل والتوالي توالي
مثل القمر ينشاف لن عسعس الليل=وارقّ وانقى من نسيم العوالي
يوم انّ كلٍّ يفتخر بالمحاصيل=عند الجميع يقول هذا حلالي
انا افتخربك مع زحول الرياجيل=شوفوا خويي مكسبي راس مالي

المشاركة الأصلية كتبت بواسطة حفيد المسنحاني (المشاركة 1047846) هلال ابدعت صح لسانك واعتلا شانك دمت بود

متى الحظ يلمع بارقه والبخـت ينقـاد=تشرّف وتسكن فالمعاليـق مـن جُـوّه
الا تعلم انّ مشاهـدك ثالـث الاعيـاد=الاتعلـم انّـك ناهـب الفكـر بالقـوّة
ازخرفلك جداد القصايد بحرف الضـاد=ولابينـي وبينـك مسـافـة ولاهــوّة
تجي ماتسلّم عـاد هـذي كبيـرة عـاد=وفجر الامانـي مشـرق بطلّتـك تـوّه
وانا اقول ليه الطايف اشرق ونوره زاد؟=وليش ابتسم ثغره وليش استوى جـوّه؟
واثر نسمةٍ من شـرق هبّـت بلاميعـاد=تداعب جبـال الطايـف وبـدره ونـوّه
ألا ياغزال الريم لـك فالحشـا ميـراد=وحرفي على طاري غلاكم سطع ضوّه
عطيتك مقاليد الحشا والهجـوس جـداد=خذ العلم وانت بكيفك اللي تبـى سـوّه

المشاركة الأصلية كتبت بواسطة الشامان (المشاركة 1048312) صح لسانك وسلم بنانك وعلى شانك مبدع ومحترف

المشاركة الأصلية كتبت بواسطة عزيز عوض العتيبي (المشاركة 1048359) هــــلال العتيبي أحسنــــت فيما قلــــت ابداع جميـــــل