الهيـــــــــــــلا *** منتدى قبيلة عتيبة

هاني خاشقجي

يالبدو يااصحاب التعنصر والتعصب والهياط =على العلا والعلم ..والامجاد مافيكم نشاط
جلساتكم على الاماني والتفنن فالخراط=والعلم قتال الجهل والجهل في روس البدو

يااهل البداوه يارعاة الضين =أهل المناصب في مناصبها
والحضر لاجار الزمان الشين =كل المناصب من مكاسبها

علي فلاح العضياني

حنّا البدو تاريخنا وتراثنا ما نتركه=واللي يرزّ الخشم مثلك هالحينه نفركه
تال الليالي كثرت طروش البحر فالمملكه=العلم قتال الجهل والعلم في روس البدو

حنا الرجال منوّل و ذلحين=اللي تفتّل في شواربها
يا هاني انته جاينا من وين=دولتك وين اللي ولدت بها

هاني خاشقجي

فالمخبر البدوان انا من عشره اعطيهم صفر =والمظهر ايضأ صفر ..دايم وجه واحدهم ودر
ورغم النعم دايم طفارى ..راضعين مع الفقر =والعلم قتال الجهل الجهل في روس البدو

ابا ادعي الله وانت قول آآآآمين =البدو جعل الله يذهبها
اهم شئ اني من اهل الدين =في مشرق الديره ومغربها

علي فلاح العضياني

اهبّ لو يلزمك يا هاني نشيط من البدو=يبا يجيب العيد لو انّ العرب ما عيّدو
ويسوّي اللي يا خاشقجي ما يسوّيه العدوّ=والعلم قتال الجهل والعلم فـي روس البـدو

تدعي على البدوان يا مسكين=والبدو حافظتن مذاهبها
مدام هاني ينتمي لاثنين=دقنه عرفنا ويش واجبها

هاني خاشقجي

انا السطر فيني من ايامٍ خلت طبع وسمه =قدام يلزمني وليد البدو اجي له والزمه
واليا فتح قدمي فمه ..حطيت له فيه شحمه=والعلم قتال الجهل والجهل في روس البدو

ركب الحضاره سار من قرنين =يامخلف الساقه وعاقبها
كل الاوادم خلقوا من الطين =بس البديو الجهل ناكبها

علي فلاح العضياني

ياللي تقول انا حضري ...... الظاهر ابوك بدوي=واكبر دليل اللهجه اللي للحضر ما تستوي
يبا يجيك من العضياني علي ضربٍ قوي=والعلم قتال الجهل والعلم في روس البدو

انا كشفتك تكتتب بــــــ إسمين=تلبس عباتك وانت قالبها
يا هاني اهرج بالكلام الزين=من يحفر الحفره يطيح بها

هاني خاشقجي

اخاطب القوم بلغتها ياعلي يابن فلاح =واعرف علوم البدو وقت الجد والا فالمزاح
حسب انبثاق الظاهرة ماعندكم غير الصياح =والعلم قتال الجهل والجهل في روس البدو

بعدين تسمع ردها بعدين =لادقت الساعه عقاربها
على مصب النهر والنهرين =امور ماتعرف عواقبها

علي فلاح العضياني

هذا بدوي معروف حتّى لو لبس ثوب حضري=اللي دري عن هالكلام يعلم اللي ما دري
وليا كبر فانظاركم تراه يصغر فانظري=العلم قتال الجهل والعلم في روس البدو

حنّا ترى عنك قصّتك دارين=لكنّ روحك لا تعذّبها
تعال يا هاني يابو وجهين=نويت معك اليوم اخرّبها

هاني خاشقجي

ماهوب منا اللي يتنصل من عروقه ياعلي =والبيدي المفتوق ماهو باللباس المخملي
واليوم لحم الساديا حقة على زيت القلي =والعلم قتال الجهل والجهل ف روس البدو

الجيم ماجاء كبر حجم السين =ربعك تراك اليوم مغضبها
لن كاننها خربت مع الغالين =يجيك خاشقجي يوظبها

علي فلاح العضياني

يا الربع خاشقجي هذا مكسب لهذا المنتدا=حبّه بقلبي ياوجيه الخير ساع انه بدا
ان كان فيكم شاعرٍ غيرك نوجّه له ندا=اقولها واللي عقد روس الحبال يحلها

ما عندي الاّ السيف ابو حدّين=اقرب وضربه منه جرّبها
كنّي أعاين فيك شوف العين=إمحلّق اللحيه و شاربها

هاني خاشقجي

اثرك ذكي وسنين عمرك قد حفظت دروسها =كف تعجز تدوسها ..ترجع عليها تبوسها
والبدو ماابغى حبها يالين اشيب روسها =اقولها واللي عقد روس الحبـال يحلهـا

ماعندك الا الحرف ابو قوسين =وخاشقجي الجهال يضربها
كني اعاين في علي ذالحين =عمامته فالارض يسحبها

علي فلاح العضياني

الاوله حبّك لانّك ضيف من ضمن الضيوف=والثانيه ما منك شرّ ولاش من جهتك خوف
ضحّكتنا علاك يا هاني و ضحّكت الصفوف=اقولها واللي عقد روس الحبال يحلّها

الظاهر انّك شاربٍ كوبين=يعني كذا يا واد معطبها
الله يا خاشقجي علاك يعين=طافتك وانته ما دريت بها

صحة السنتكم