احسب انك يابن عاصم على درب الاثر قصّاص = عسى الله يخلف عتيبه بعد بارت مصانعها
انا قسمي كبير المشكله في راكبين الباص = ليا من شافوا الاجناب ماتركد مدافعها

على سطح البحر وشلون ابتبع جرة الغواص=مسراتن بلا يمه تضيع من يتابعها
مافرق عزوة عتيبة ذنيب العقرب القراص=ليا جتنا وطيناها قبل تاصل مطامعها

رسمنا له هدف مير البلا في دقة القناص = مرار اشوف يشبرها وبعض مرّات يذرعها
انا وش لي دخل ما بين نهر النيل ونهر العاص = لكن اوفو حقوق الناس واعطوها منافعها

حرار الجو ماتطمع بطيرن دونه الأقفاص=هذا طبع الحرار .. الصيدة الحره توقعها
انا خابرك متمكن تعرف الديمن من الهاص=ولكن العباه اللي على متنك مرقعها

على راسك تثور من المسدس طلقتين رصاص = على شان الثياب اللي اخيّطها وتقطعها !!
انا مابغى شهادة شلة الارباع والانصاص = انا لي ماقفي يوم العرب خارت روابعها

هلا بالشاعر اللي عن مواجيب العرب ماحاص=لو انه في بعـض احيـان يٍنزلهـا ويرفعهـا

رسمنا له هدف مير البلا فـي دقـة القنـاص=مرار اشوف يشبرها وبعض مـرّات يذرعهـا