ذلول ابليس ماتمشي على البيداء بدون هجار= دخيلك لاتعلقنا ياناصر في جنايبها
مافيك قصور ياناصر مدام انك من الانصار = سوالفكم ليا صارت غريبة ما اتغاربها

لاتدخل في دروبٍ يالنفيعي مالها مظهار = تركد وإحسب حسابك قبل نفسك نحاسبها !!
تبى تصبح من الاخيار وألا تتبع الاحبار = ابى ميز روابعكم ومخطيها وصايبها !!

ياناصر لاتواخذني ولاتنشد عن اللي صار = احسب انك ذكي لكن شكلك مادريت بها
معي سلعة ثمينة سعرها كايد على التجار = ولا انظر فالسلع لاصرت انا مانيب جالبها

ألا يالله ياقوم الخلا الرصد بالاقمار = سعود يبرد اللقمه ويأكلها وغص بها !!
وألا ياراعي السلعه ترى العمله من الدينار =يبورٍ السلع وألا الدراهم من مكاسبها !!

الا يامال فرقى العين قام الثعلب المكار = يدور له عشى لكن والله مايروح بها
ترى اهل البورصة تعرف وشنهي قيمة الدولار= لو ان مؤشر الاغلاق فالشاشة يطيح بها