مهندس القاااف=
من لقاء في دربه العمـده يبلغـه الوصيـه=لايجي وجه الثعل في صورة السرحان ساري
يحذر التقليـد فـي كـل الامـور الا نبيـه=من يخاف الله ويقرا كتُب مسلم والبخـاري
العمده=
سجّ رجلك والبلاغ اللي وصل راع العبيـه=ما برد غل الكبود ولا قضى دين المثـاري
يالمهندس لك هقاوي فوق برج الفيصليـه=هقوة اللي له نظر .. والا طموحات انتحاري
مهندس القاااف=
يوم تلبس ثوب غيرك وانت مجهول الهويه=هي لعانه منك والا كيد في شخصي وغاري
لاتحاول بالعصى تخلف عن الدرب المطيه=دام انا اللي جبتها خلك مع الجره مبـاري
العمده=
يا ظلام الليل نور الفجر مـا فوقـه زريـه=والجنازة ما ستر عوراتها ثـوب العـواري
ضاعت الجولان وأهل الشور لو طاعوا هنيه=ما بقي فالقدس غير اللي يهلـون العبـاري
مهندس القاااف=
لاتسلق لك علـى كتـفٍ مـن افعالـك بريـه=لاجل يكسونك بريش الصقر عن ريش الحباري
قلت لك لاتخلـف الخطـوه ولاتكـذب عليـه=دام في كفي قلم وانته بنـون العيـن قـاري
العمده=
تركي ابن حميد ذايع صيت في نجد العذيه=لو جهل قدره فروخ البوم وعيال الجواري
الحداثة سببت لاهل الهوى علـة خفيـه=والدواء يا طالبه عند الطبيب الاستشاري
مهندس القاااف=
راعي الباكور مايشبه لـراع السمسميـه=ماحسب لاهل التنك والعود وابطال الاتاري
عندنا الطب البديل وعندنا للجـرح كيـه=وان عجز دكتوركم مرضانكم بالكي باري
العمده=
طير ياللي برقعـه كاسيـه بألـوان الأسيـه=من يقول ان الصقور تعيش في جزر الكناري
ابتلعت اللقمـة اللـي جعلهـا لقمـة هنيـه=والتوالي باقية فـي كـف نقـال السـواري
مهندس القاااف=
الزمن يومٍ علي وساعة مـن وقـت ليـه=وانت لو تقولها قلت لك (واما انته قماري)
مامعك زاد امحروق ولامعك في الخرج نيه=تاتعتذر للعرب مع لفـة الخـط الجبـاري
العمده=
الجبل ورقان مرسي ما تزحزح مع طميه=في محلة ما تحرك .. يوم شالتها الذواري
البروق تلوح فوقك والرعد تسمع دويـه=يالطريقي ما لك تتقـي تحـت الكبـاري
مهندس القاااف=
الـسـوال نـكــرره 100 ورى 100و100=ليش ما تشعل وجارك يوم توقد مـن وجـاري
المـزون تلـوح ماهلـت كثيـر ولا بلـيـه=لي سنه وانا استغيث ولا لها في ارضي مواري
العمده=
كان ما ميزّت عيد الفطر من عيد الضحيه=لا تواخذني ليا قررت اصافحك بيسـاري
ارضك اللي بلها وبل المـزون العقربيـه=لين حول حولها عقب الحيا بايع وشاري
مهندس القاااف=
رد يسراك ليمينك وش تـدور فـي يديـه=مانت لاقي غار سيف ورمح وسلاحٍ نياري
والله اني في نحيه وانت عني فـي نحيـه=ارجع إلخط العموم الناس تضرب لك بواري
العمده=
الجموس اللي معمدهـا وزيـر الداخليـه=في مهمة ما درى عنها غليص ولا مكاري
حققت مطلوبها اللي كلفت به في شويـه=وانتم الله ربكم يالي تسوقـون اللـواري
مهندس القاااف=
في الختام الله يرحـم والديـك ووالديـه=والله انك في مدار الشمس مانته في مداري
اثرك اللي كل ماشالوا على متنه عصيـه=مابقي منها نهار المعركه غيـر المبـاري
