من وسع صدره يشيل الجمر الاحمر في حثوله= وإن نويته نون عينه في طريقي مايلده !!
احمد الله من رجالٍ نالت اللي ماتنوله = لاتمد لسانك اللي فعل كفك مايمده !!

الشجيع اللي فهق عن جرة الشاوي خيوله =من صلابة راس صد وعادته محدٍ يصده
ويش نلتو غير فلمٍ يحرج العاقل فصوله =كل مايطري عليك تدس وجهك فالمخده:)

لا تكلم وأنت كبدك من حرارتها معلوله = انت تصنع في كلامٍ عندنا بالفعل ضده !!
لاحداك الوقت تزبني وانا اعطيك السيوله = مثل ماجدك زبن جدي وبالارزاق مده !!

قد عطيتك علم ياناصر وهذا اليوم حوله =قلتلك لاعاد تهرج في كلامٍ منت قده
الجمل شقران مايبرك ولو زادو حموله =مثل حرٍ في يد الصقار لّللازم يهده