ان ماقطعت الجوع ياسرحان من جنب الجزور = عاتب عيونك فالمذاري ليه طوّل نومها
ياسدرة الوادي عليك تطير وتوقع طيور = اللي تجينا كل يوم اخبارها وعلومها

الدعوه اللي جيتك ابها ماعلاها شهود زور = وانا عطيتك يالبناخي صكها واختومها
الشاشه اللي جاتنا بالعلم والعلم امخبور = وانته ليا قصيت جرتها عرفت واوسومها

ارحب ياناصر


صح بدنك ولاعدمنا متابعتك

يابن الحلال ابتل تراني معك في خط العبور = اللي يعرف نوع البضاعه فالمزاد يسومها
في كفك اليسرى ظلام ومعك في يمناك نور = مير الفقيه اللي يفسر للنيام حلومها

لو انها غلطه وعدت كان قلت لك معذور = المشكله فاللوحه اللي ماقريت ارقومها
اقول حكم الشرع وانت تقول مامنا قصور = وانته تعذرب فالرجال الوافيه واتلومها

ركب التطور واختلاف العصر عن باقي العصور = امرين اخذها فأعتبارك والمعالي هومها
وضع البشر ماعاد به شئ يبشر بالسرور = كل يوامي باليدين اللي قصار كمومها

ياسلاااااام



استلم استلم