الهيـــــــــــــلا *** منتدى قبيلة عتيبة
صفحة 3 من 4 12 3 4
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   العـــــــــــــــوني (http://www.otaibah.net/m/showthread.php?t=95166)

صاهود 07-Aug-2009 12:15 AM
الظاهر انك ماعاد اتعدها يالقصير=بالله كم لقمتن في فمك سديتها
لاوالله الا اعنزي وتحب ركب الحمير=هرجتك صوبتها فالقاف ماخطيتها

سعود العصيمي 07-Aug-2009 12:20 AM
مهندس القاااف =
سلام فاول حضوري.. وارحبو يامطير=ترحيبةٍ تخلـف الساعـه وتوقيتهـا
وانا للا العوني اللي يدرج من عصير=ماكـان سويـت قيفانـي وغنيتهـا




ذيب عروا=
يامرحبا بالنيابه والفلـك يستديـر=واللي بنت بيتهـا ماينهـدم بيتهـا
جيتك علي موعدك وانا وكيل الامير=ويالله عسا ددسنك ماينطفي ليتهـا




مهندس القاااف =
ترحيبتك ردها عني لاخوك الصغيـر=خصه بها دون روحك عقب خصيتها
ماوالله استد بك في اللي يضد المغير=ذبحتك عيبٍ على الفرّيس لو جيتها




ذيب عروا=
كنت احسبنك ولد واثّريك مافيك خير=لا وحسافه عيونـي فيـك لديتهـا
عزاللة انّا ابتلشنا فالزمان الاخيـر=اتعس عباد الولي يبلشـك تكريتهـا


مهندس القاااف =
هذا كلامٍ من المطران ماهو كبير=لكن منكم لكم بالهون رديتهـا
علم رفيقك بعد مالاذ بك لاينيـر=ماتدرقه قشعةٍ من حدر قصيتها





ذيب عروا=
لولا مطير وعتيبه كان تبقا فقيـر=اموّحدين البلد وشفيـك سبيتهـا
اللي يزاحم عتيبه فالنهار الخطيـر=ماهو بعاجز عن البصره وعفريتها





مهندس القاااف =
فقري حداني علاكم بالرهيف الشطير=واشبعت نفسي من المطران وارويتها
واللي يزاحم عتيبـه علمـه لايغيـر=ماقدمـه الا جهنـم فايـرٍ زيتـهـا




ذيب عروا=
ماكل حلمن تحلمه يالخلاوي يصير=اتعبت رجلك ورا احلامك وعنيتهـا
السالفه جبتها ومضمونها صار غير=امطير حلو في دارك وانت عشيتها



مهندس القاااف =
حكيم قومٍ ولقاكم كلكـم فـوق بيـر=وان كان سما مطير انـا ماسميتهـا
ومطير مقدارهم ماهوب سمن ومضير=مقدارهـم سلـة السكيـن حديتهـا



ذيب عروا=
الحمدلله منـت امـورّخ ولا وزيـر=تبا تضيـع القبايـل كـان عديتهـا
عوّد علي دحتك واردح مع ام الحرير=امطير لو شفتهم حربتـك دسيتهـا


مهندس القاااف =
متى منامك يانايم عن عيونك يطيـر=بالله كـم لعبـتٍ جاتـك وجليتهـا
مار اعتذر للغياب وخل عندك ضمير=والحربه اليا اتقّّت في صدرك اخفيتها




ذيب عروا=
الظاهر انك ماعاد اتعدهـا يالقصيـر=بالله كم لقمتن فـي فمـك سديتهـا
لاوالله الا اعنزي وتحب ركب الحمير=هرجتك صوبتها فالقـاف ماخطيتهـا


مهندس القاااف =
ماتبلغ الربع من طولي (لقر) القرير=وان كبرت إلقمك مع منخرك رديتها
امطير انا خابرٍ فيران فيهم وعير=وانا عتيبي وربعي ماتناسيتها


الله الله

عليكم

طاااروق


خمس نجوووم

بيض الله وجيهكم

صاهود 07-Aug-2009 12:30 AM
ابوفيصل الدلبحي

ابوتيجان

محمد الحمادي

الامير 00عشق

العم 00سعود العصيمي صحت ابدانكم جميع كلن باسمه

مهندس القاف 07-Aug-2009 12:36 AM
ماتبلغ الربع من طولي (لقر) القرير=وان كبرت إلقمك مع منخرك رديتها
امطير انا خابرٍ فيران فيهم وعير=وانا عتيبي وربعي ماتناسيتها

مهندس القاف 07-Aug-2009 12:37 AM
الحمادي
الله يحييك

مهندس القاف 07-Aug-2009 12:37 AM
ابو فيصل
الله يحييك ولاعليك زود

صاهود 07-Aug-2009 12:48 AM
اقتباس:
المشاركة الأصلية كتبت بواسطة مهندس القاف (المشاركة 898721)
ماتبلغ الربع من طولي (لقر) القرير=وان كبرت إلقمك مع منخرك رديتها
امطير انا خابرٍ فيران فيهم وعير=وانا عتيبي وربعي ماتناسيتها
اول ماقلت كلمة دوم قلت هذا عنزي

وبعدين قلت مار قلت هذا عتيبي

وعديت للعشره طلع عنزي

وكملت قلت يبين اصله بعد اشوي والخطه انجحت هههههههههههه

ونعم فعنزه وعتيبه

وانت علي اسمك مهندس القاف

وصح بدنك

رفيع المنزل 07-Aug-2009 01:36 PM
صح لسانك يامهندس القاف ابدعت وبيتك اللي يقول :

امطير انا خابرٍ فيران فيهم وعيـر
وانا عتيبـي وربعـي ماتناسيتهـا

بيت رديت به عنا يابني وايل

لكن مدري ليش طرى علي قول ابن شايق ( بارك الله بقوم تقدس عيرها)


الاخ ذيب عروا مبروك لقب شاعر وتستاهل وصح لسانك لكن خلاص مافات مات وش بك علينا


الظاهر انك تحلم بنا وانت نايم هههههه هلحين تزعل ادري

بعدين كلمة دوم او مار ماهي دليل قوي الرجال يقول لك عتيبي وانت مصمل على انه عنزي

الناس مؤتمنون على انسابهم كما جاء في الحديث

زبن الجعفري العنزي 07-Aug-2009 06:14 PM
مهندس القاف


صح لسانك وابدعت



ذيب عروا


صح لسانك وانت لهلحين زعلان لو درينا مالعبنا معك من اول


الامور كلها لعب بلعب ومزوح وووناسه


والا كل ٍ معروف اصله والصحيب يعرف صحيبه ماعليك من الكلام









تحياتي

عبدالله الاصعر 07-Aug-2009 07:50 PM
صحت اللسنتكم



تحياتي


الساعة الآن »08:45 AM.
صفحة 3 من 4 12 3 4
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd