| معجب العتيبي |
05-Aug-2009 05:15 AM |
الحوووووت
من هاجس الشاعر الي من تجاريب الزمن مستفيد=سلام يأهل الكرم والجود والدنيا على حالها
ما كل تاجر يطب السوق يملك في حسابه ورصيد=ياطيب من يبذل المجهود والدنيا على حالها
معجب العتيبي
من هاجسٍ مايجيب ليا بدع غير الكلام المفيد=يامرحبا والعباد رقود والدنيا على حالها
السوق مليان لكن مادخل فالسوق مثل الوليد=غطا بنوك البلد ويزود والدنيا على حالها
الحوووووت
دام البقا ياعميلن شوفتك تغني عن أهل النشيد=في ليل نسنس هبوب النود والدنيا على حالها
العمله الي عليها الحظر في عنوان ظرف البريد=حطم مبيعاته المقرود والدنيا على حالها
معجب العتيبي
يالحوت عقب ابتدا ليل المعاني في حروف القصيد=خلك معي بالفكر موجود والدنيا على حالها
بعض التجاره خساره لو تصدّر للبلد من بعيد=ياطيبها لو منعها العود والدنيا على حالهاِ
الحوووووت
الي يجيب النوادر ياعميل الخير رجلن فريد=وانته على اسمك عريب جدود والدنيا على حالها
العود يمشي على نهج السياسه وجاء على السيد سيد=من يوم جاء في سمانا اسكود والدنيا على حالها
معجب العتيبي
الليي جيب الحقيقه ياعسى عمره طويل وسعيد=والثانيه تعتبر منقود والدنيا على حالها
في هالبلد ماحصل تفريق بين البيض والا العبيد=عدل وشهامه سهود مهود والدنيا على حالها
الحوووووت
الناس ماهي غشيمه والبلد تعرف هارون الرشيد=ماطاح في بير ابو جلمود والدنيا على حالها
اسهود ومهود وانته مادرينا وش تبا وش تريد=لانته بحاسد ولا محسود والدنيا على حالها
معجب العتيبي
لو هي على ماذكرت انكان مابه صيد والا مصيد=يافلان بعض الحكي مردود والدنيا على حالها
اغناني الله عن اهل الحسد والعقل الغبي والبليد=واصبحت في نعمة المعبود والدنيا على حالها
الحوووووت
المهره الي تزلج قدم عينك فوق ظهر الجليد=خلت كثير الرجال فهود والدنيا على حالها
ترى المحامي يضيع أن كان ماله راي وفكرن سديد=مافيه حجه بليا شهود والدنيا على حالها
معجب العتيبي
المهره تعيش في راي الرجال اهل الوفا ياعنيد=نبذل على شانها ونجود والدنيا على حالها
من مات من دون داره ياوسيع العرف يصبح شهيد=وانا مع الحق يامسعود والدنيا على حالها
|
