ونص العرب يمشي مع النـاس دابـوش=وربـي فـرق بيـن الرجـال ودبشهـا
واهل النمايم فـي قفـاء كـل داغـوش=اللـي علـى الشينـه قـوي ً عطشهـا
قضابة المركـاء علـى مـاش ودفـوش=الـلـي سوالفـهـا تبـيـن دفشـهـا
نصابـة بالديـن لـو جالهـا طــوش=ياتـي لهـا يــوم ٍ يبـيـن فنشـهـا
جحادة المعـروف مـا تنطـح البـوش=الله يعـجـل حملـهـا فــي نعشـهـا
والحقد في راعيـه يطلـع لـه نقـوش=وإلا قلـوب النـاس مـا احـد ٍ فتشهـا
ولا فيه عين ٍ مالهـا حجـاج ورمـوش=لكـنْ تعـرف مرطهـا مـن عكشـهـا

ويـن الرجـال معطـرة كـل نامـوش=اللـي تــروّي بالمـواقـف نمشـهـا
اهـل الشهامـه مكرمـة كـل هاتـوش=حمّـايـة القـالـه بصـكـة بوشـهـا
عيني عليهـم تسقـي الخـد برشـوش=واللي رزق خلقه علـى ارض ٍ فرشهـا
كن الفـؤاد مـن المعاليـق محشـوش=وروحي من الذكـرى يجيهـا حششهـا