عقاااب العنزي=

هلا يامرحبا ترحيبة ٍ تنعش رصيـد السـوق=بعد جيت ولقيت حمود ياهل العـرف قدامـي
والا ياحمود من شهرين ودي معك في طاروق=لكن عيت تجمعّنـا الليـال وبيـض الايامـي

حمود بن برجس =

يدوم الك البقا في حلتي يالشاعـر المرمـوق=وانا اعدك من اهل الدار واهل الموقف الحامي
حرام ان السوالف مع رجال ٍ تحسن المنطوق=تشرفني .. ولكن للزمان ظـروف واحكامـي

عقاااب العنزي=

انا ماجهلـك لكـن تجهلـك ياحمـود برقـا وروق=هذا وانته رجـل لـك كلمتـك فالديـن الاسلامـي
هذا حظك كما ( سوار الذهب ) مايعتلي فـي فـوق=لكن وش يقنع اهل البشت واهل المنصب السامي !!

حمود بن برجس =

انا من فضل ربي مالبست المشلح المشقوق=تقلّدت السواري والفشق مليان في حزامـي
يابن وايل ترى ماضاع لي بين الرجال حقوق=ولاني في الزمان ودورته جايع ولا ضامـي

مـــــــــــبدع ياعقاب


مافيك شك - والبحر ماتنقصه قطره


_________


عشت ياحمود مره ثانيه

كل بيت يشدني يستحق الاشاده بدون أنحيازيه



تحيااااتي

تلوح ابروق من خلفك ومن قدمك تلوح ابروق = وانا ماعندي اعلاج ٍ يشافي جرحك الدامي
انا ماحرص على اللي مافرق بالشيح والرقروق = وابن برجس علم مجحود من مجموع الاعلامي

ولا يا لابسين التاج مدري لابسين الطوق = انا نفسي عزيزه ماتداني ورث الايتامي
تقوله مار اقول الله يبارك في هل الصندوق = بعد كالوا لكم يا اهل الذهب بالكيلو جرامي

انا قدمت له بني لكن بني رجع محروق = من اسباب الغشيم اللي جهل في لبس الإحرامي
يكيلون العرب بجرام لجل يصير فيه فروق = آخير من الذي ماعطوه لارز ٍ ولايدامي