عيبنا قلي وشنهو ..؟ دام في خشمك عرامه = يبن عاضي لا تخش السوق مالك راس مالي
ما يدس الراس وسط الرمل يا كود النعامه = ما تدرقنا بضلع وراسنا للروس طالي

يارجل مانت بولد رخمه والاصعر من كلامه=قصده انّك ما تليق ابك العمامه والعقالي
الصقور الجارحه ما تنتقارن بالحمامه=مير جنّب لا تنافسنا على روس الطوالي

البعير اللي يالاصعر لاش خرج ولا مسامه = ودك انه ما يسرّح مع طويلين الحبالي
من صدوف الوقت يالاصعر على غاربك شامه = ليش ما تقول الحقايق ..! قولها يبن الحلالي

البعير اللي تقوله رح تجوّد في خطامه=من حلالك ياطويل العمر ماهو من حلالي
الحقيقه فاول الطاروق جتك وفي ختامه=فاتح عينك لكنّك ما نتبهت اول وتالي