ياحمامه لولحي في مخاليب العقاب = ودها لكن ما هوب حاصل ودها
كل يوم نلحسك حد مصقول النصاب = وانت راعي ديرة(ن) مزحها من جدها

يقطع الله واحدن لابدا اللازم يهاب=الضيوف اطرح عشاها وبكره غدها
تذكر اش سويت وياك فايام الضباب=يوم تسبح فالبحر والعباد اتشدها

اشهد انك صابر(ن) قدمنا صبر الركاب = كل يوم نسجها لين تاكل بدها
عايش(ن) في حلم والحلم يشبه للسراب =وانت 200 ال وقت اللزوم نكدها

قدرنا ماتلحقه فوق هامات السحاب=فد روحك ياقليل المعرفه فدها
كل ما تطلق براطمك اوكلك التراب=لاتسولف بالدها وانت ينقصك الدها

كيف قدرك يرتفع فوق بجناح الذباب = كل ما تفتح عيونك نجي ونسدها
لو يهاب الذيب يا مطير من نبح الكلاب= كان ما والله تبيح الشواوي سدها