ابو لمار =

المؤلف الّف القصـه واخـذ دور البطولـه=والفيلم يحكي وقائع سيرة اصحاب المعالي !!
والثبيتي يوم سوّاها عسـى ربـي يهولـه=كيف يكتب ثم يقرى فالجواب وفالسؤالي !!

النشمي =

البطوله للرجال اللي لهم صوله وجولـه=حضهم فالاوله يوم ان حضك فالتوالـي!!
الظليمه يافتى ماهي مـن اداب الرجولـه=ولا ينقص قدرنا عند العرب قيلن وقالي!!

ابو لمار =

انت حظك مثل حظه يوم زولك مثل زولـه=والفوارق بينكم لبس العمامه والعقالـي !!
لوّ وادي السيل مانعرف جباله من سهولـه=كان قلنا يمكن النشمي حدى ذيك الجبالي !!

النشمي =

ياجماعة خير ابن سفيان ياكل في هموله=كم نصحته مايجوز من الحيل والاحتيالي!!
فيه طبع ومنهجه مايرضي الله ورسولـه=وده يثير المشاكل بين عم وبين خالـي!!

ابو لمار =

ياعميل الخير علمـك زايـد" عرضـه وطولـه=مانت جمّالا" تسوق الزمل وتقـود الجمالـي !!
المشاكل في الكـلام اللـي مـع العالـم تقولـه=كانت اعلومك اقصار وصارت اعلومك طوالي !!

النشمي =

لا تسوم ابضاعة التجار ماعندك سيولـه=انت فقري راس مالك لا جنيه ولا ريالي!!
انت مثل اللي غزى لكن اكلها في حثولـه=دايم الايـام تكشـف ماتخبيـه اليالـي!!

ابو لمار =

انت بس اتروّج السلعه وتاخذ لك عمولـه=ماتفكر في الحرام ولاتفكر في الحلالـي !!
الثبيتي مع دروب الحق مايشعـب ذلولـه=لو يذوق المر من كاسه يقول المر حالي !!