عند الاشاره واقفٍ في واجبي دايم فخور=وان كنت فالجبهه فخر وان كنت فالجبهه فخر
ما اجلس بوسط البيت يارجال في جنب القدور=في صبح والا في عصر في صبح والا في عصر

سعود البرقاوي

العقل صاحي والكلام يزيد في وسط الصدور=فاول شهر واخر شهر فاول شهر واخر شهر
معجب مع الشعار شاعر مير ماعنده شعور=هاذي ترى وجهة نظر هاذي ترى وجهة نظر

معجب العتيبي

ان كان ماقلته حقيقه لاتلف ولاتدور=ان كنت رجالٍ ظفر وان كنت رجالٍ ظفر
هات الحقيقه وانتبه يلحقك ياطيب غرور=وابعد عن دروب القشر وابعد عن دروب القشر

سعود البرقاوي

نور القمر تال الليالي ياعرب ماهوب نور =وش صار في نور القمر وش صار في نور القمر
جتك الحقيقة واستلمها يالعتيبي ومعذور =لو كان ماعندك عذر حتى ايش لو عندك عذر

معجب العتيبي

نور القمر بيّن لكن بين البشر عميٍ وعور=عجيب يادنيا العبر عجيب يادنيا العبر
بعض الحقايق تختلف بأسباب نقطه فالسطور=ياسعود دقق فالسطر ياسعود دقق فالسطر

سعود البرقاوي

ياعسكري وجهك نشوفه عند اشارات المرور=في صبح والا في ظهر في صبح والا في ظهر
اضحكتني وادخلتني جو الوناسة والسرور =خلك يامعجب مستمر خلك يامعجب مستمر

معجب العتيبي

عند الاشاره واقفٍ في واجبي دايم فخور=وان كنت فالجبهه فخر وان كنت فالجبهه فخر
ما اجلس بوسط البيت يارجال في جنب القدور=في صبح والا في عصر في صبح والا في عصر