| معجب العتيبي |
21-Jun-2009 04:21 PM |
علي بن عمير
سلام رديت ٍ عنوانها ماهوب مكتوب=ماهوب مكتوب مدري ليش لكنّه سلامي
يابن دحيم البيوت اشماغ والمعنى تقل ثوب=وبيوت من دون معنى ماحصل فيها انسجامي
سلطان بن دحيم
يا مرحبا وانت عند اهل الوفاء والعرف محسوب = ياللي تسلم هذا ردي وذي بصمة بهامي
الشعر بيت(ن) مفاتيحه عقل وادراك واسلوب = ومن لا توفر به اللي قلت يغشاه الملامي
علي بن عمير
سلطان يزعل ليا شاف السفينه مابها اركوب=واللي يحسّب لخلق الله عينه ماتنامي
عندك شمال الدير واجنوبها واشروق وغروب=مالك ومال السياسه والرياجيل الحشامي
سلطان بن دحيم
سلطان ما فيه يا بن عمير باذن الله عذروب = الا الزعل من هل الزله وتكريم الكرامي
ان كان قلبك من الذله على ما قيل مقلوب = انا اقطع الديره الخطره ولا تبرد عضامي
علي بن عمير
انا ادري انك على قول المثل رجال محبوب=وفالشعر مافيه مثلك فالبلد غاية مرامي
تقولها وانت لا شفت البروق اتلوح بتّوب=وانا على الدين والمغتاب يمشي فالحرامي
سلطان بن دحيم
كلش ولا ابياتك اللي بين منكوس(ن) ومسحوب = خلك نضامي قبل لا ازعل واعلمك النظامي
اهل الصقاره مواترهم بقوس جداد وجيوب = وانا ليا شفتهم دليتهم راع الحمامي
علي بن عمير
اليا زعلت انتفخ وانقول لك سلطان دبدوب=لكن دبدوب مايطلع على ظهره سنامي
ياطير دليتهم من شان تاخذ منهم احبوب=خلك بفالك وانا ماسك رصاصي في حزامي
سلطان بن دحيم
اليا زعلت انكبك وتصير بين الناس منكوب = واعرفك فطفوط مالك لا شداد ولا مسامي!!
انتم تبون الاجر والمشكله مكسبكم ذنوب = دايم فالاسواق وغتركم مع العجه توامي
علي بن عمير
انته تحاول تعيب الناس وانته كلك اعيوب= فطفوط من سودة ابها ماني ابفطفوط شامي
لا ترفع الصوت ونته صوتك امع الوقت محجوب=وحنا على شانك انوقف على باب السلامي
سلطان بن دحيم
مدري وش اللي حصل كيف البحر يالطيب يروب = راع الذهب ما لقينا معه لو كيلوا جرامي
مواتر(ن) كلها عدمان فيها الشاص والهوب = ولو زينت باللحام يضيع مفعول اللحامي
علي بن عمير
عيب البحر مايدلّون العرب من فرعه اغروب=لكن لا هاج موجه جاب لي حلو الطعامي
بعد كشفناك شفنا الغصن مع جرتك مسحوب=من بعدها لو تكلّم مايعذربنا الكلامي
|
