لاتضيع ولاتذم اللي عن الميل عدلتها = وان جهلت اقول صاغر سن في عصر السلامي!!
شرهتك ماهيب يمّي يم لحيه ماحمتها = ماشربنا من شرابك لوّ تاكل من طعامي!!

المشاركة الأصلية كتبت بواسطة العمــــــدة (المشاركة 872753) هلا ومرحبا مليون يا معجب العتيبي تشرفنا دائماً بتواجدك الكريم وجهودك واضحة لا عدمناك صح بدنك والله لا يهينك

ساترين الناس مار الريـــح جتنا من جهتها=ان وليناها زريــــةً وان تركناها حرامي
كل قوم ليا بغيــــــت اعطيك نبذة عن لغتهــــا=ما جهلت قسومها ورسومها قبل الامامي

لاتقول ارجوك لين ألحق علومك سابقتها= ماولانا اللي ولاك وصار من دونك محامي!!
التواريخ القديمه فيه ناسٍ زورتها = لين صار اللي خلاف الصف بالصف الآمامي!!

شب نارك مار لا تعمس عيوني بدخنتها=ثم تطلع شمس ويبين الشداد من المسامي
الزلامي حافظ الاسرار وحبيب نكتـــها=يسطي حبيب ولكن ما سطا قلب الزلامي

الغصون اللي تضلّك للهبايب طارفتها = في نهار الصبّ يالعمده على روس الضوامي!!
الحقيقه والصراحه خاتمتها خاتمتها = ماشكى جور الهبايب غير بنّاي الخيامي!!

ذعذعت مار الجبال الراسية ما حركتها=والخشوم العرم من شلفاي فارقها العرامي
كف عيد العازمي يوم احتمى الماقف كفتها=وسط جيبه والا انا كفي قريبه من حزامي