ياطويل العمر عين العقل تنظر من خلاله = لاغريبة ماتشاف مع النجوم ولا الاهله !!
لايكذب واقعه حاكم ويمشي مع خياله = مايسلمه الطبيب دواه .. لو مافيه عله !!

مشكله لاصرت دوبك بين عدلة واستماله =ماكفاك الميسم الي دافنه في وسط مله
انت يوم انك نزلت بديرتك مالك نزاله =غلطتك خالفت نهج اهل الوجيه المسفهله

كل واحد نظرته تحت قدمه يطرح عقاله = الله انه لايواخذني على شانك بزله !!
ياسهيل اللي جنوب الدار لاتزحف شماله = اليمن ينسبك لاسمه مير خلك مرقب له !!

فيك ميزه ..ماتعرف انك على بعضك سهاله! =ثم تطمن مالحقنا منك لوشكه وذله
يالجدي ماعاد بين المرزم وبينك زماله =انت وجهك للشمال وذاك مكه قبلتله

الله الله ياقمر نصف الشهر مدري هلاله = وش تورى كل ماطارت عن الخيل الاجله !!
كل شئ يهون مع حاكم لو انه شاف حاله = وانتبه للكلمة اللي سجلوها في سجله !!