سعود العصيمي

سلامي على اللي مرويٍ مقدم الزان = ذريب اليمين اللي علومه ذريبه.
والا ياعتيبه كل رجلٍ وله شأن = ومايكتبه حظه لابده يجيبه

معجب العتيبي

هلا مرحبا ترحيب وافي ومليان=عدد ما ذِكر بالطيب ربعي عتيبه
والا ياهل المعنى ترا حظكم زان=وكلٍ بياخذ في حياته نصيبه

سعود العصيمي

يدوم البقاء والعلم فالشيخ راكـان=بعد لد عينه يـم اخـوه وقريبـه.
وعقبه ضربه عقاب بالسيف شامان=لكن قول لي وش قصته مع صحيبه

معجب العتيبي

زمان العجايب والمشاكـل والاحـزان=يفرّق يابـو طايـل حبيـب وحبيبـه
ليا صار لك صاحب عسل ذرب الايمان=علامك تـدور فـي حياتـه مشيبـه

سعود العصيمي

ترا اللي يحاول تفرقة بين الاخوان=يبا يأكله ذيـب الخـلا ويغديبـه.
صحيبي كما معجب ومرزوق حمدان=ومن بان عيبه فالزمن ماعتزيبـه

ليا شفت مثله طق خشمه على شان= يفارق علومٍ في عتيبه غريبه
ماودك يابو طايل نغير بالالحان=ابا انشدك عن غيره وربي حسيبه

انا ماعليه منه لوكان ماكان = يموت الضعيف وصاحبك مادريبه.
تفضل وهات العلم ياطير حوران = وربك يخلص طالبٍ من طليبه.

هل الوادي المذكور ياسعود عربان=لكن بينهم شايب يسمى مصيبه
اشوفك معه جاملت في بعض الاحيان=مع انه ختم والختم مليان ريبه