نايف بن ملحق الثعلي
سلام الله علي اهل المنتدي والشعر والشعار=نبا الشعر الحقيقي والرجال الي يعرفونه
ولا يابن فلاح انته سوات الثعلب المكار=سواه الثعلب المكار في شكله وفي لونه
علي فلاح العضياني
هلا يا مرحبا و الشعر له قيمه و له مقدار= و تبشر بالقصيد اللي يهيض البال مضمونه
تقوله و انت تحفر تحت ساس البيت مثل الفار=لكنّ البيت ساسه ثابت و معتزّه ركونه
نايف بن ملحق الثعلي
ولا ياراعي المشوار وش حصلت فالمشوار=ترا جرتك لو جاها المطر ماهيب مدفونه
لو انك تعتذر حنا ترانا نقبل المعذار=لكن المشكلة ياصاحبي نيتك ملعونه
علي فلاح العضياني
أنا دربي مع الدرب اليمين و لا جنحت يسار=و نايف يوم راح يسار حظّه قلّع سنونه
انا أبنشدك يا شيح العرب يوم أعتذر وش صار ؟ =انا وافي و من يافي معي و الله ما أخونه
نايف بن ملحق الثعلي
تقوله والحقيقه واضحه يالشاعر البيطار=تري يمناك ماتنضف لو تغسّل بصابونه
تري حنا بني عمك وفي وقت اللزوم خيار=وبعض الناس لو تضحك تري ماهيب مامونه
علي فلاح العضياني
بعد ما أطعمت طعم الموت قمت توصّي القبّار=لو إنّك متّ يمدي جثّتك فالريع مدفونه
بني عمّي كثير و فالجميع أحتار كيف أختار ؟=و نايف فيه ناسٍ من وراه وناس من دونه
نايف بن ملحق الثعلي
اعرف الموت سنه ماعليه والفلك دوار=ولا ياكثركم كثراه ياناسن تمتونه
ابو زيد الهلالي تحسبنه مثل ابو عمار=لاكن ارفق علي روحك تري الايام مجنونه
علي فلاح العضياني
هذا كله سبايب طرقتك عصر أمس يمّ شهار=مع اللي يطرق الـــ200 ما يمشي على هونه
ضميرك مضطرب دايم ما هو في حالة إستقرار=وانا ما اسمع كلام الناس فيك اللي يقولونه
نايف بن ملحق الثعلي
ترانا من بعد هاذي نبا نركي علاك النار=تري حبتك يارجال من ذالحين مطحونه
كشفناك وعرفنا وش حصيل الصاحب الغدار=ولو انه يبا يجحد نشوف الغدر بعيونه
علي فلاح العضياني
و أنا والله ما أفكّك لين فوقك نكتب الاقرار=توقّع بالاصابيع و يدك بالسمن مدهونه
ترى الغيره ماهي عوايدك لكنّ لا تغتار=طلع نايف بعد علمه هذا ( جاهل بكرتونه )
نايف بن ملحق الثعلي
بغينا نكتم الاسرار وانته تبدي الاسرار=وابو وجهين لو يضحك تري ماتبرد غبونه
عليك اللوم ياكاف البلا يالشاعر المنهار= وبعض الناس عند الناس يارجال مرهونه
علي فلاح العضياني
تناقشني و انا اعرف وش هي حقوق الخوي و الجار=علي لو يختلف سير الزمن ما اختلّ قانونه
يا ليتك تترك التشكيك و الترديد و التكرار=أثر من فيك ظنّ بعلم طيّب خابت ظنونه
نايف بن ملحق الثعلي
يقولون المطيه يالعتيبي جتلها بحوار=وانا ماني بقايل والله اعلم وش تسمونه
ترى بعض السوالف ماتنومس ياوجيه الخار=لكن الحنظلة لو اثمرت ماجت بزيتونه
علي فلاح العضياني
عسى ربّي يبارك في عيال مكرّم الخطار=انا فرحان به لكنّ نايف باح مكنونه
نصيحه قفّل الموضوع لا ينقد علاك صعار=علومك كلها في داخل الارشيف مركونه
