العازمي

من حيود اذنها حشّو وحطّو بفمها = كان ضاقت دروب المرجله والمعاني!!
المرض خم ليلى بعد بانت قدمها = و,, اعدت اللي من الصكات مرخَ الاذاني!!

ناصر الجلاه

كل نفسٍ تجود من المكارم قيمها=لاتقول السوالف مالها ترجماني !!
يستر الله على الكعبه وساحة حرمها=لوتشن الحروب .. ولو تطيح المباني !!

العازمي

المطيه كسبها اللي بناره وسمها = ماكسبها من الجيران قاصي وداني!!
لو تشن الحروب ءقريش يهدم صنمها = كان يمنى الشرف طالت طوال اليماني!!

ناصر الجلاه

وانت ياعيد ترسم خطةٍ لورسمها=كان راع المطيه يرمي الجبخاني !!
لوتموت الفراعن ذكرها في هرمها=خل قوم الصعيد اللي تمد اللساني !!

العازمي

ياسلامي على قومٍ تنومس هممها = مبعدين النظر والسر جوف المحاني!!
الامانه مابين الناس محدن قسمها= مار ماصانها المذهوب ,ساحر عماني!!

ناصر الجلاه

والله إنه يسر القلب ضربة سهمها=سبق القوم .. في يومٍ يشوق العياني !!
دلة الهيل مع مسمارها وش ضرمها ؟=شبة النار يارجال والعمر فاني !!

العازمي

مفترض كل فرصه سانحه تغتنمها = ماتلد العيون الحول قدم الخواني!!
النفوس البخيله بخلها من عدمها = مار انا يالعصيمي ماتغيّر مكاني!!

ناصر الجلاه

كيف أبى أكل لحمها منعزل عن شحمها=ياوسيع البنايد .. والله اللي عطاني !!
النفوس الكريمه قدرها من كرمها=يرفع الله شانك يرفع الله شاني !!

العازمي

يالعصيمي شربتو من مرقها ودمها = من قطعلك لزملك ,,يا عريب المجاني!!
لو ناصر من اللي ماتفرّق ذممها = كان نقرا عليه الزلزله والمثاني!!

ناصر الجلاه

نارنا بالزنود وناركم من شعمها=والبلا إنك شجيع ولاتدين الجباني !!
صاحبي عيد من قومٍ تعالت شيمها=بس للأهل القضاء قدم قرار وشكاني !!