تقوله وانت قلبك يالجذع من فعلنا مجروح=ظلمت القوم وانت اللي حزين وضايق الصدري!!
كشفنا خطتك ياللي تباها ذابح ومذبوح=لكن ذنبك على جنبك ياراع البوق والغدري!!

ياوجه الله جسد من غير روح ولانويت تروح = لو أني عنك في بعض الدعاوي ماني بمزري !!
على هونك هبوب الشرق يمك والبروق تلوح = قريبة منك لاتقعد تخيل البارق الحدري !!

علومك كلها مالك وراها يالجذع مصلوح=تبا تهدم قصور العز ياللي ساكن الخدري!!
انا من خلقتي ماجامل الخبلان والسلتوح=واقول انته ياسلطان الجذع منته على خبري!!

ماهي بقصور يااهل السيل ,, غرفه بابها مفتوح :) = والا ياكثر مانسمع والا ياكثر مايطري !!
مدامك أنك على ذكر المدايح ماانته بممدوح = انا لاخطيت في حقك حرام اسوق لك عذري !!